హైద‌రాబాద్‌లో ఐటీ, ఐటీఈఎస్ రంగాల‌తో పాటు కో-వ‌ర్కింగ్ స్పేస్‌కు గిరాకీ గ‌ణ‌నీయంగా పెరిగింది. వీటికి రానున్న రోజుల్లో మరింత డిమాండ్ పెరుగుతుంద‌ని సిరిల్ సంస్థ తాజా అధ్య‌య‌నం వెల్ల‌డించింది. జెడ్ఎఫ్ ఫినీక్స్‌, లెగాటో, పీడ‌బ్ల్యూసీ, ఐడీఎఫ్‌సీ, ఐస్ప్రౌట్‌, గోల్డ్‌మ‌న్ సాచ్స్‌, ఎల్‌టీఐ, గెయిన్ సైట్‌, హెచ్ అండ్ ఆర్‌, బ్లూ జే వంటి సంస్థ‌లు న‌గ‌రంలోని వివిధ ఐటీ స‌ముదాయాల్లో స్థ‌లాన్ని తీసుకున్నాయి. మొత్తానికి, 2022 ప్ర‌థ‌మార్థంలో సుమారు 52 ల‌క్ష‌ల చ‌ద‌ర‌పు అడుగుల వాణిజ్య స్థ‌లాన్ని వివిధ సంస్థ‌లు లీజుకు తీసుకోవ‌డం విశేషం. ప్యాండ‌మిక్ కంటే ముందున్న స్థాయి కంటే అధిక స్థ‌లాన్ని కంపెనీలు తీసుకోవ‌డం విశేషం.
ఐటీ రంగానికి అధిక డిమాండ్ ఉండ‌గా, ఆర్థిక సేవ‌లు మ‌రియు ఇంజినీరింగ్ లీజింగ్ త‌యారీ రంగాలు ఇర‌వై మ‌రియు ప‌ది శాతం వాటా క‌లిగి ఉండ‌టం విశేషం. కో వ‌ర్కింగ్ ఆప‌రేటర్లు సుమారు ప‌దిహేను శాతం వాటాను సొంతం చేసుకున్నారు. మాదాపూర్, గ‌చ్చిబౌలిలో డిమాండ్ అధికంగా న‌మోదైంది. 2022 ప్ర‌థ‌మార్థంలో సుమారు 95 ల‌క్ష‌ల చ‌ద‌ర‌పు అడుగుల గ్రేడ్-ఏ ఆఫీసు స్థ‌లాన్ని ప‌లు సంస్థ‌లు లీజుకు తీసుకున్నాయి. వీటి అద్దె కూడా మైక్రో మార్కెట్లో స్థిరంగా ఉండ‌టం విశేషం. మాదాపూర్ వంటి ప్రాంతంలో గ్రేడ్ ఏ స్థ‌లం లేక‌పోవ‌డంతో ప‌లువురు డెవ‌ల‌ప‌ర్లు అద్దెల‌ను పెంచేశారు. 2023 లోపు గ‌చ్చిబౌలిలో సుమారు కోటీ ప‌ది ల‌క్ష‌ల చ‌ద‌ర‌పు అడుగుల వాణిజ్య స‌ముదాయం అందుబాటులోకి వ‌స్తుంది.
