ప్రముఖ టెక్ కంపెనీ మైక్రోసాఫ్ట్ కార్పొరేషన్ హైదరాబాద్ లో భారీగా భూమి కొనుగోలు చేసింది. రంగారెడ్డి జిల్లా ఫరూఖ్ నగర్ మండలం ఎలికట్టలో 48 ఎకరాల భూమిని రూ.267 కోట్లకు కొన్నట్టు సమాచారం. ఎకరం దాదాపు రూ.5.56 కోట్ల చొప్పున కొనుగోలు చేసినట్టు తెలుస్తోంది. సాయి బాలాజీ డెవలపర్స్ ఆధ్వర్యంలో ఈ ఒప్పందం జరిగినట్టు సమాచారం.
ఏప్రిల్ 18న ఈ సేల్ డీడ్ రిజిస్టర్ అయింది. అయితే, దీనిపై మైక్రోసాఫ్ట్ నుంచి ఎలాంటి అధికారిక ప్రకటనా లేదు. కాగా, 2022లో మైక్రోసాఫ్ట్ డేటా సెంటర్ ఏర్పాటు చేయడానికి హైదరాబాద్ లో రూ.275 కోట్లు వెచ్చించి భూమి కొనుగోలు చేసింది.
