అడ్వాన్స్ స్టేజీలో ఆవిష్క‌ర‌ణ‌!

‘‘కొండాపూర్లో ఎస్ఎంఆర్ వినయ్ ఐకానియా ప్రాజెక్టుకు సంబంధించిన నిర్మాణ పనులన్నీ ఒక స్థాయికి తీసుకొచ్చాకే అధికారికంగా ఆరంభించాలనే నిర్ణయం తీసుకున్నాం. నాలుగేళ్ల నుంచి రాత్రింబవళ్లు కష్టపడ్డాం. కరోనాకు ఎదురొడ్డి మా బృంద‌మంతా శ్ర‌మించింది. అనేక ఇబ్బందుల్ని అధిగమించాం.. దాన్ని ఫ‌లితంగానే మొదటి ఫేజును కొనుగోలుదారులకు విజ‌య‌వంతంగా అప్పగించాం. రెండో ఫేజులో భాగంగా మూడు టవర్ల నిర్మాణ పనుల్ని అడ్వాన్స్ స్టేజీకి తీసుకొచ్చాం. ఐదారు నెలల త‌ర్వాత ఒక్కొక్క‌టిగా అప్ప‌గించేందుకు సిద్ధ‌మ‌వుతున్నాం. నిర్మాణాన్ని పూర్తి చేయ‌డానికి సీరియ‌స్‌గా ఉన్నాం. స‌కాలంలో బ‌య్య‌ర్ల‌ను అందించేందుకు అహ‌ర్నిశ‌లు శ్ర‌మిస్తున్నాం. మా ఈ శ్ర‌మ‌కు మార్కెట్ నుంచి చ‌క్క‌టి స్పంద‌న ల‌భిస్తుంద‌ని ఆశిస్తున్నాం. ఈ ఆనందాన్ని మీ అందరితో పంచుకోవాలన్న ఉద్దేశ్యంతో.. మూడు టవర్లను అధికారికంగా ఆరంభిస్తున్నా’మని ఎస్ఎంఆర్ హోల్డింగ్స్ సీఎండీ సాయిరెడ్డి రాంరెడ్డి వివ‌రించారు. కొండాపూర్ సైట్‌లోని క్ల‌బ్ హౌజ్‌లో ఏర్పాటు చేసిన విలేక‌రుల స‌మావేశంలో ఆయ‌న రియ‌ల్ ఎస్టేట్ గురుతో ప్ర‌త్యేకంగా ముచ్చ‌టించారు. సారాంశం రాంరెడ్డి మాట‌ల్లోనే..

హైద‌రాబాద్‌లో కొంతమంది బిల్డర్లు.. ప్రీలాంచ్‌లో ఫ్లాట్ల‌ను విక్ర‌యిస్తూ.. కొనుగోలుదారుల్నుంచి వందల కోట్ల రూపాయల్ని లూటీ చేస్తున్నారు. అలాంటి వాటికి మేం పూర్తిగా వ్యతిరేకం. అందుకే, స్థానిక సంస్థ‌ల నుంచి అనుమ‌తుల‌న్నీ తీసుకుని.. ప‌నుల‌న్నీ ఒక స్థాయికి తెచ్చాకే ప్రాజెక్టును అధికారికంగా ప్రకటించాలని నిర్ణయించుకున్నాం. కొవిడ్ పీరియ‌డ్‌లో ప‌రిస్థితులు ఎలా ఉంటాయో ఎవ‌రూ అంచ‌నా వేయ‌లేని ప‌రిస్థితి. అందుకే, ఆ రెండేళ్ల కాలంలో.. అమ్మ‌కాల మీద కాకుండా.. నిర్మాణ ప‌నుల్ని చేప‌ట్ట‌డం మీదే దృష్టి పెట్టాం. అందుకే, ఇంత బ‌డా స్కై స్క్రేపర్ ప్రాజెక్టును అడ్వాన్స్ స్టేజీకి తీసుకెళ్ల‌గ‌లిగాం.

22 ఎకరాల టౌన్ షిప్..

ఎస్ఎంఆర్ విన‌య్ ఐకానియాను 22 ఎక‌రాల్లో.. 57 ల‌క్ష‌ల చ‌ద‌ర‌పు అడుగుల స్థ‌లాన్ని.. ఐదు ఫేజుల్లో భాగంగా ప‌ద‌కొండు ట‌వ‌ర్ల‌ను అభివృద్ధి చేస్తున్నాం. మొద‌టి ఫేజును 2019-20లో విజ‌య‌వంతంగా అప్ప‌గించాం. రెండో ఫేజులో 13.5 ల‌క్ష‌ల చ‌ద‌ర‌పు అడుగుల్లో నిర్మించిన ఫ్లాట్ల‌ను కొనుగోలుదారుల‌కు అప్ప‌గిస్తున్నాం. ఫేజ్ త్రీ లో భాగంగా రెండు ట‌వ‌ర్ల‌ను నిర్మిస్తున్నాం. ఫేజ్ 4లో ఒక‌టి, ఫేజ్ ఫైవ్‌లో మ‌రొక ట‌వ‌ర్‌ను క‌డుతున్నాం. 6.5 ల‌క్ష‌ల చ‌ద‌రపు అడుగుల హ్యామిల్ట‌న్ ట‌వ‌ర్‌ను ఈ డిసెంబ‌రులో అంద‌జేస్తాం. 11 ల‌క్ష‌ల చ‌.అ.ల్లో నిర్మిస్తున్న లోగాన్ ట‌వ‌ర్ అర‌వై శాతం పూర్త‌య్యింది. వ‌చ్చే ఏడాది డిసెంబ‌రులో అప్ప‌గిస్తాం. 13.5 ల‌క్ష‌ల చ‌.అ.ల శివాలిక్ ట‌వ‌ర్ ప‌నులు ముప్ప‌య్ శాతం పూర్త‌య్యాయి.