హెచ్ఎండీఏ వేలం.. ఫస్ట్ డే రిపోర్ట్

మేడ్చ‌ల్ మల్కాజిగిరి జిల్లాల్లోని.. బాచుపల్లికి సంబంధించిన ఓపెన్ ప్లాట్ల మొదటి దశ ఈ-వేలం హెచ్ఎండీఏ గురువారం నిర్వ‌హించింది. 13635.11 చదరపు గజాల విస్తీర్ణంలో మొత్తం యాభై ప్లాట్ల‌ను వేలం వేసిన‌ట్లు వెల్ల‌డించింది. హెచ్ఎండీఏ నిర్ణ‌యించిన ధ‌ర ప్ర‌కారం.. మొత్తం స్థ‌లం విలువ 34.09 కోట్లు కాగా వేలం ద్వారా వ‌చ్చిన ఆదాయం సుమారు 80.65 కోట్లు అని అధికారికంగా తెలియ‌జేసింది. ఒక ప్లాటు విలువ గ‌జానికి రూ.25 వేలుగా హెచ్ఎండీఏ నిర్ణ‌యించ‌గా.. వేలంలో స‌గ‌టు ప్లాటు ధ‌ర చ‌ద‌ర‌పు గ‌జానికి రూ.59,149గా న‌మోదైంది. గ‌జానికి రూ. 25వేలు నిర్ణ‌యించిన ప్లాటే రూ.59 వేలు ప‌లికిందా? లేక ఇత‌ర ప్లాట్లు అధిక రేటుకు అమ్ముడైందా అనే విషయాన్ని హెచ్ఎండీఏ విడుద‌ల చేసిన ప్ర‌క‌ట‌న‌లో పేర్కొన‌లేదు.