ఈసారి అబుదాబీలో.. క్రెడాయ్ నాట్ కాన్ 2022

భారతదేశంలోని నిర్మాణ రంగానికి దిక్సూచీగా వ్యవహరిస్తోన్న క్రెడాయ్ నేషనల్.. దాదాపు మూడేళ్ల విరామం తర్వాత.. న్యాట్ కాన్ 2022ను ఈసారి అబుదాబిలోని యాస్ ఐల్యాండ్లో నిర్వహిస్తోంది. భారత నిర్మాణ రంగానికి చెందిన దిగ్గజాలు ఈ కార్యక్రమంలో పాల్గొంటారు. 11న జరిగే ఆరంభోత్సవ కార్యక్రమంలో యూఏఈలో భారత అంబాసిడర్ సంజయ్ సుధీర్ పాల్గొంటారు. విజనరి కార్పొరేట్ లీడర్ జర్నీకి సంబంధించి లూలు గ్రూప్ ఛైర్మన్, ఎండీ యూసుఫ్ అలీ తన అనుభవాల్ని పంచుకుంటారు.

యూఏఈలో భారతీయుల రియల్ ఎస్టేట్ రంగం ప్రయాణం గురించి శోభా డెవలపర్స్ ఫౌండర్, ఛైర్మన్ పీఎన్సీ మీనన్ వివరిస్తారు. క్రీడలు మరియు వ్యాపార ఈకో సిస్టమ్ గురించి ప్రముఖ క్రికెటర్ సౌరవ్ గంగూలీ తెలియజేస్తారు. నిర్మాణ రంగానికి సంబంధించిన అనేక కీలక అంశాలపై భారత నిర్మాణ రంగానికి చెందిన ప్రముఖులు తమ అభిప్రాయాల్ని వ్యక్తపరుస్తారు. నివాస మరియు వాణిజ్య సముదాయాల్లో సుస్థిరత, డేటాసెంటర్లు, వేర్ హౌసింగ్, ద్వితీయశ్రేణీ పట్టణాల్లో నగరీకరణ, ఆఫ్ షోర్ ఫండ్ రైజింగ్ వంటి అంశాలపై నిపుణులతో ప్రత్యేక చర్చలుంటాయి.