అమ్మ లేకుంటే ఇంటికి అర్థమే లేదు

• నా ఇల్లే నా ప్రపంచం

• బాలీవుడ్ దర్శక నిర్మాత కరణ్ జోహార్

కరణ్ జోహార్ కు ఆ రకమైన విశ్వాసం, ఓ ఉనికి ఉంది. అది ఆయన కొత్త ఇంటిలాగే అందరినీ ఆపి తల తిప్పేలా చేస్తుంది. ఇది సరికొత్త కూల్ ప్యాడ్. ఇది ఆయన ఆత్మవిశ్వాసాన్ని ప్రతిఫలింపజేస్తుంది. అందుకే ఆయన జీవన విధానం దీని ద్వారా కొద్దిగా ప్రభావితమవుతుంది. ఇవన్నీ కరణ్ కొత్త ఇంటి అన్ని మూలలా కనిపిస్తాయి. ‘ఒక ఆదర్శవంతమైన ఇల్లు అనేది మీ జీవనశైలికి సహకరిస్తుంది. ఈ విషయంలో బడ్జెట్ అనేది ఓ ప్రముఖ నిర్ణయాత్మక అంశం అనడంలో ఎలాంటి సందేహం లేదు. నేను ఎలాంటి ఇంటిని నిర్మించాలో నిర్ణయించడంలో నా జీవనశైలి చాలా కీలకమైన పాత్ర పోషిస్తుంది. ఉదాహరణకు.. బిల్డర్ ఫ్లోర్ అనేది అపార్ట్ మెంట్ కంటే నాకు పూర్తి స్వేచ్ఛనిచ్చింది. ఇక ఇంట్లోని వస్తువులు మన ప్రియమైన వారికి ఎప్పుడూ వారితోనే మనం ఉన్నామని గుర్తు చేసేలా ఉండాలి. ఇది ఓ సూక్తి లేదా మోనోగ్రామ్ లేదా ఫొటోగ్రాఫ్ కావొచ్చు’ అని కరణ్ పేర్కొన్నారు.

ఉదయం నిద్ర లేచి రెడీ అయి బయటకు వెళ్లిన తర్వాత.. తీరిక లేని పనులతో సాయంత్రం వరకు గడిపి వచ్చి తగిన విశ్రాంతి తీసుకునే అనువైన స్థలంగా తన ఇల్లు ఉండాలని కరణ్ కోరుకుంటారు. ఈ నేపథ్యంలోనే తన ఇంటిని ఏర్పాటు చేసుకున్న విధానం, ఆయన అలవాట్లు, తన కొత్త ఇంట్లో ఆయన ఆనందంపై పెద్ద ప్రభావం చూపిస్తాయి. ‘పని ఒత్తిడి తర్వాత నేను కాస్త ఊరట చెందే ప్రదేశంగా నా ఇల్లు ప్రశాంతమైన వాతావరణం కల్పించేదిగా ఉండాలి. ఆ విధంగా నా ఇల్లు ఉంటుంది. నా ఇంట్లో నాకిష్టమైన ప్రదేశంలో కూర్చుని నా జీవితంలో కొన్ని మధుర క్షణాలను గుర్తు చేసుకుని ఆశ్వాదిస్తాను. నా బెడ్ రూమ్ లో టీవీ చూడటం నాకు ఎంతో ప్రశాంతత ఇస్తుందని భావిస్తాను’ అని కరణ్ తెలిపారు.

ఇవన్నీ చూస్తే మనకు అర్థమయ్యేది ఏమిటంటే.. ఆయన చాలా రోజుల తర్వాత ఇంటికి వచ్చినప్పుడు అదే బిజీగా కరణ్ ఉండకూడదు. అంతే కదా కరణ్? అని అడిగితే.. అవునని సమాధానం ఇచ్చారు. ‘మేం లేత గోధుమరంగు అని చెప్పినప్పుడు నా చుట్టూ ఉన్న ప్రతిదీ లేద గోధుమ రంగులో ఒకే టోనల్ లో ఉండాలని దీని అర్థం కాదు. ఒక రంగు మీ మదర్ షిప్ రంగులో ఉండాలి కాబట్టి, నేను మూడు షేడ్స్ లేత గోధుమరంగు ఎంచుకున్నాను. నేవీ బ్లూ ఫర్నిచర్ తో కొంత ఉడెన్ డిజైన్ ఉంది. మీ వ్యక్తిత్వానికి సంబంధం లేని ఇంటిని నిర్మించడం నా దృష్టిలో అనవసరం. నేను గౌరీఖాన్ తో నా ఇంటిని డిజైన్ చేశాను. ఆమె కొంతకాలం నా జీవిత కోచ్ గా మారింది. ఆమెకు నా రోజువారీ జీవన విధానం ఇప్పటికీ తెలుసు. నా గోడలు నా ఆత్మ శక్తితో నిర్మితమయ్యాయి. నేను నిజంగా దానిన నమ్ముతాను’ అని వివరించారు.

కరణ్ తనకు తాను సౌకర్యంగా ఉండే చోటు గురించి చెబుతూ.. ‘అది నా డైనింగ్ ఏరియా. కలప, పాలరాయితో తయారుచేశారు. అవి రెండూ నాకు ఇష్టమైన మిశ్రమ పదార్థాలు. ఆ ప్రాంతంలో ఎన్నో ముఖ్యమైన సమావేశాలు జరిపాను. రణ్ వీర్ సింగ్, అలియాభట్ తోపాటు నా డైనింగ్ ఏరియాలో ఎన్నో వ్యూహాల గురించి చర్చించాం. నా బెడ్ రూమ్ విషయానికి వస్తే.. అక్కడ నా ఫ్లోరింగ్ చాలా ప్రాక్టికల్ గా పూర్తయింది. మధ్యలో పాలరాయితో ఓ పజిల్ లా ఉంటుంది. నా పిల్లలు నిజంగా ఫాక్స్ బొచ్చును ఇష్టపడతారు. అందువల్ల దానిని చేర్చాను. నా ఇల్లే నా ప్రపంచం. పెద్ద, ఐశ్వర్యవంతమైన ప్రదేశాలు నన్ను ఇప్పుడు బాగా ఆకర్షిస్తున్నాయి. మా అమ్మ నా ఇంట్లో లేకుంటే ఆ ఇంటికి అర్థమే లేదు’ అని కరణ్ స్పష్టం చేశారు.