ఈ ఆధునిక ప్రపంచంలో ఉరుకులు పరుగులు, రణగొణ ధ్వనులను తప్పించుకుని ప్రశాంతంగా సేద తీరడానికి మనకు ఉన్న ఏకైక మార్గం ఇల్లు మాత్రమే. కానీ నగరాల్లో ఇల్లు కూడా చాలా చిన్నగా.. ఇక శబ్దం లేని ప్రదేశాలైతే మరీ తక్కువగా ఉంటాయి. ఈ నేపథ్యంలో ఈ శబ్ద కాలుష్యం అనేది చాలా తీవ్రమైన సమస్యగా కనిపిస్తుంది. సాంకేతికంగా సౌండ్ డిజైన్ చేసుకుంటే ఈ రణగొణ ధ్వనుల చికాకు నుంచి బయటపడొచ్చు. తద్వారా ఇంటిని శాంతియుతంగా మార్చుకోవచ్చు. ఎలాగో చూద్దాం.
ఖాళీ స్థలాల్లోని ఓపెనింగ్స్ శబ్ద కాలుష్యానికి మార్గాలు. అందుకే విండో షేడ్స్ కు అత్యంత ప్రాధాన్యత ఉంటుంది. చెక్క లేదా వెదురులో షేడ్స్ యొక్క ఆలోచనాత్మక ఎంపిక.. మందం, సాంద్రత వంటి పదార్థ లక్షణాలతో బాహ్య శబ్దాన్ని సమర్థవంతంగా పరిమితం చేస్తుంది. మరోవైపు లైట్-హ్యూడ్ లేదా షీర్ లీనెన్ వేరియంట్లు తక్కువ వెలుతురు ప్రదేశాలకు బాగా నప్పుతాయి. ఎందుకంటే అవి పగటి వెలుతురును పరిమితం చేయకుండా ధ్వనిని నియంత్రిస్తాయి. మెటీరియల్ ఎంపికలతో సంబంధం లేకుండా కైనటిక్ లౌవ్ లు పాక్షిక ఇన్సులేషన్ అందిస్తాయి. అలాగే, రోల్ డౌన్ షట్టర్లు మెరుగైన శబ్దం తగ్గింపును అందించగలవు.
మనం నడిచే ఫ్లోర్లు శబ్ద కాలుష్యానికి ప్రధానంగా ఉంటాయి. కార్పెట్ ఫ్లోరింగ్ యొక్క ఎంపిక ఎండ్ టూ ఎండ్ సొల్యూషన్ అవుతుంది. మెటీరియల్ ఎంపికపై ఆధారపడి వివిధ స్థాయిల్లోని శబ్దాలను గ్రహిస్తుంది. ఇక్కడ వినైల్ అంతస్తులు 20 డెసిబుల్స్ వరకు ధ్వనిని తగ్గిస్తాయి. లేదా చేసిన ఫైబర్లు దాదాపు మొత్తం శబ్దాన్ని గ్రహిస్తాయి. మరింత పొదుపైన డిజైన్లంటే ఈ కార్పెట్లను రగ్గుల వంటివాటితో భర్తీ చేయవచ్చు.
పరిసరాల నుంచి శబ్ద కాలుష్యాలను గ్రహించే విషయంలో ఎత్తైన గృహ నిర్మాణాల గోడలు ప్రధాన పాత్ర పోషిస్తాయి. ఈ నేపథ్యంలో గోడల్లో ఇన్సులేషన్ పొర జోడించే వాల్ కవరింగ్ వంటివి వచ్చాయి. అవి మొత్తం గోడలపై పొరలుగా ఉండే ఆకృతి కలిగిన ఫోమ్ ఉపరితలాల మాదిరిగా విస్తృతంగా ఉండవచ్చు లేదా గోడపై ఒక ఫీచర్ ఎలిమెంట్ గా ఉన్న ఘనమైన ఫ్యాబ్రిక్ ప్యానెల్ తరహాలో మరింత ఆకర్షణీయంగానూ ఉంటాయి. ల్యాండ్ స్కేపింగ్ ను ఇన్సులేషన్ కు ఒక విధానంగా తీసుకోవడానికి లివింగ్ వాల్ లేదా వర్టికల్ గార్డెన్ వంటి వాటిని ఎంచుకోవచ్చు.
This website uses cookies.