ప్రముఖ నటుడు షాహిద్ కపూర్ తన అపార్ట్ మెంట్ ను అద్దెకు ఇచ్చారు. ముంబై వర్లీలోని ఒబెరాయ్ రియల్టీ నిర్మించిన 360 వెస్ట్ లోని 5,395 చదరపు అడుగుల కార్పెట్ ఏరియాతో కూడిన అపార్ట్ మెంట్ ను ఈ ఏడాది మేలో మీరా కపూర్ తో కలిసి రూ.58.6 కోట్లు వెచ్చించి కొనుగోలు చేశారు. తాజాగా ఆ అపార్ట్ మెంట్ ను నెలకు రూ.20.5 లక్షల చొప్పున ఐదేళ్ల కాలానికి అద్దెకు ఇచ్చారు.
రూ.20.5 లక్షలతో ప్రారంభమైన ఈ అద్దె ఐదేళ్ల కాలంలో క్రమంగా రూ.23.98 లక్షలకు చేరుతుందని ఒప్పందంలో పేర్కొన్నారు. సెక్యూరిటీ డిపాజిట్ గా రూ.1.23 కోట్లు తీసుకున్నారు. అలాగే తొలి పది నెలల కాలానికి ఎలాంటి అద్దె లేదని ఒప్పందం చేసుకున్నారు. కాగా, ఈ ప్రాపర్టీ స్థూల అద్దె ఆదాయం 4 నుంచి 5 శాతంగా ఉందని స్క్వేర్ యార్డ్స్ పేర్కొంది.
This website uses cookies.