బిచాణా ఎత్తేసే బిల్డరే.. డౌటే లేదు!

ప్రస్తుత భూముల ధరలు, పెరిగిన స్టీలు, సిమెంటు, ఇసుక, రంగులు, హార్డ్ వేర్, సానిటరీ వేర్, లేబర్ ఖర్చు వంటివన్నీ లెక్కిస్తే.. చదరపు అడుక్కీ ఎంత అవుతుందో తెలుసా? ఇవన్నీ తెలియకుండానే ఇలాంటి ప్రీలాంచ్ ఆఫర్లు పెడితే ఎలా? ఇది తప్పకుండా జనాల్నుంచి డబ్బులు తీసుకుని బిచాణా ఎత్తేసే కంపెనీలాగే ఉంది. కాబట్టి, ప్రీలాంచ్లో పెట్టుబడి పెట్టాలనుకునే ఇన్వెస్టర్లు ఇలాంటి మోసపూరిత ప్రకటనలకు దూరంగా ఉండండి. అత్యాశకు పోయి ఇలాంటి ప్రాజెక్టుల్లో కొంటే మీరే అడ్డంగా మునిగిపోతారు. ఆతర్వాత మీరు ఎన్ని ధర్నాలు చేసినా.. దీక్షలు చేసినా ఉపయోగం ఉండదు. పోలీసులేమో కేసు నమోదు చేసుకుంటారు. కానీ, తెలంగాణ రెరా అథారిటీ మీకేమాత్రం సాయం చేయదు. ఎందుకంటే, రెరా అనుమతి గల ప్రాజెక్టులో కొనలేదు కాబట్టి, మీరు ప్రభుత్వం నుంచి ఎలాంటి సాయం పొందలేరు. అందుకే, మీరు ఇలాంటి మోసపూరిత ప్రకటనలకు ఆకర్షితులై.. మీ సొమ్మును బూడిదలో పోసిన పన్నీరు చేసుకోవద్దు.

ఒకవేళ ఈ బిల్డర్ నిజంగానే 15 అంతస్తుల అపార్టుమెంట్లో చదరపు అడుక్కీ రూ.2600కే ఫ్లాట్ ఇస్తానంటే.. ఎలా కడతారో ముందే చెప్పమని చెప్పాలి. ఆ రహస్యమేమిటో చెబితే.. నగరంలోని బిల్డర్లందరూ అదే సూత్రాన్ని పాటిస్తారు. దీన్నే ఉత్తమ ప్రమాణాలుగా తీసుకుంటారు. కాబ‌ట్టి, ఇలాంటి దొంగ ఆఫ‌ర్ల ప‌ట్ల అప్ర‌మ‌త్తంగా ఉండండి.