వ‌ర్టెక్స్ నుంచి మ‌రో గొప్ప క‌మ్యూనిటీ

అటు ఆరోగ్యం.. ఇటు ఆనందం.. మరోవైపు వినోదం.. ఇలా అన్నింటినీ బ్యాలెన్స్ చేయగలిగే చక్కని ప్రాజెక్టు కోసం మీరు ఎదురు చూస్తున్నారా? అయితే, కూకట్ పల్లి హైదర్ నగర్ లోని వ‌ర్టెక్స్ ప్రిస్టీన్ ప్రాజెక్టును చూస్తే.. మీ అన్వేష‌ణ‌కు ముగింపు ప‌డిన‌ట్లే! ఇక్క‌డ్నుంచి అటు హైటెక్ సిటీ కానీ ఇటు ఫార్మా సంస్థ‌ల‌కు కానీ సులువుగా రాక‌పోక‌ల్ని సాగించొచ్చు. అలా న‌డుచుకుంటూ మెట్రో రైల్వే స్టేష‌న్‌కు వెళ్లిపోవ‌చ్చు. విలాస‌వంత‌మైన, ఆరోగ్య‌క‌ర‌మైన‌, వినోద‌భ‌రిత‌మైన జీవ‌నాన్ని కోరుకునేవారికి ఈ ప్రాజెక్టు చ‌క్క‌గా న‌ప్పుతుందన‌డంలో ఎలాంటి సందేహం లేదు.

హైద‌రాబాద్‌లో వ‌ర్టెక్స్ బ్రాండ్‌కు మంచి విలువ ఉంది. ఈ కంపెనీ ఆరంభించే ప్రాజెక్టులు ప్ర‌తిఒక్క‌ర్నీ త‌ప్ప‌కుండా ఆక‌ర్షిస్తాయి. అందుకే, వీరి వ‌ద్ద ఒక్క‌సారి ఫ్లాట్ కొంటే చాలు.. ఆ బంధం అలాగే దృఢ‌మ‌వుతుంది. ప్రాజెక్టు ఫీచ‌ర్స్‌, ఎలివేష‌న్‌, అందులో పొంద‌ప‌రిచే ఎమినిటీస్‌, ల్యాండ్‌స్కేపింగ్‌.. ఇలా ప్ర‌తి విష‌యంలోనూ వ‌ర్టెక్స్ సంస్థ త‌న ప్ర‌త్యేక‌త‌ను చాటి చెబుతుంది. వ‌ర్టెక్స్ ప్రిస్టీన్ ప్రాజెక్టును సుమారు 3.9 ఎక‌రాల్లో నిర్మిస్తోంది. ప‌చ్చ‌ద‌నంతో కూడిన ఆహ్లాద‌క‌ర‌మైన వాతావ‌ర‌ణంలో అత్యున్న‌త ప్ర‌మాణాల‌తో నిర్మాణాన్ని డిజైన్ చేసింది. ఇందులో వ‌చ్చేవి మొత్తం ఐదు ట‌వ‌ర్లు.. 2, 3 ప‌డ‌క గ‌దుల ఫ్లాట్ల విస్తీర్ణం.. 1270 నుంచి 2030 చ‌ద‌ర‌పు అడుగుల విస్తీర్ణంలో ఉంటాయి. పని, జీవితం, ఆటల మధ్య సంపూర్ణ సమతుల్యత అందించేలా అన్నీ చక్కగా తీర్చిదిద్దారు. ఇందులో ఇల్లు సొంతం చేసుకున్నవారు రోజు వారీ జీవితంలో తమకు అవసరమైన ప్రతిదాన్నీ వారి పరిధిలోనే అందుకునే వెసులుబాటు కల్పించారు. విశాలమైన ల్యాండ్ స్కేపింగ్‌తో పాటు సెంట్రల్ పార్కు చూపరులను కట్టిపడేస్తాయి. ఆకట్టుకునే ప్రకృతి దృశ్యాలు, ఆటస్థలాలు దీనికి అదనపు ఆకర్షణ.

లొకేషన్ అడ్వాంటేజ్..

లొకేషన్ పరంగా చూస్తే ఈ ప్రాజెక్టు అత్యంత అనుకూల, కనెక్టివిటీ కలిగిన ప్రాంతంలో ఉండటం విశేషం. కూకట్ పల్లి జేఎన్టీయూ మెట్రో స్టేషన్ కి కేవలం 0.8 కిలోమీటర్ల ఉంది. ఇక్క‌డ్నుంచి నారాయణ కాన్సెప్ట్ స్కూల్ కేవలం కిలోమీటరు దూర‌మే. సంఘమిత్ర స్కూల్ ఒకటిన్నర కిలోమీటర్ల దూరంలో, జేఎన్టీయూ 2 కిలోమీటర్ల దూరంలో, శ్రీ చైతన్య జూనియర్ కాలేజీ మూడు కిలోమీటర్ల దూరంలో ఉన్నాయి. వికాస్ కాన్సెప్ట్ స్కూల్ 6 కిలోమీటర్ల దూరంలో ఉంటుంది. ఇక్క‌డ్నుంచి ఓక్రిడ్జ్ ఇంటర్నేషనల్ స్కూల్ ఎంత‌లేద‌న్నా ప‌ది కిలోమీట‌ర్లు ఉంటుంది.