తెలంగాణ‌లో మ‌రో కొత్త ప‌ట్ట‌ణాభివృద్ధి

తెలంగాణ మంత్రిమండ‌లి ప‌ట్ట‌ణాభివృద్ధికి సంబంధించి ఇటీవ‌ల‌ ప‌లు కీల‌క నిర్ణ‌యాల్ని తీసుకున్న‌ది. ముందే ఊహించిన‌ట్లుగా.. ఫ్యూచర్ సిటీ డెవెలప్‌మెంట్ అథారిటీ (FCDA) ఏర్పాటుకు ప‌చ్చ‌జెండా ఊపింది. ఇందులో 7 మండ‌లాలు, 56 గ్రామాల్ని క‌లుపుతారు. నాగార్జునసాగర్ హైవే నుంచి శ్రీశైలం హైవే మధ్యన ఉన్న దాదాపు 30 వేల ఎకరాల విస్తీర్ణంలో ఫ్యూచర్ సిటీ ని అభివృద్ధి చేసేందుకు ప్ర‌భుత్వం ఈ నిర్ణ‌యాన్నితీసుకుంది. ఈ 36 గ్రామాలను హెచ్ఎండీఏ ప‌రిధి నుంచి తొల‌గించి ఎఫ్‌సీడీఏకు అప్ప‌గిస్తారు. ఈ విభాగంలో ప‌ని చేసేందుకు రెగ్యులర్, అవుట్ సోర్సింగుతో కలిపి 90 పోస్టులకు మంత్రివర్గం ఆమోదం తెలిపింది.