నకిలీ వెబ్ సైట్లతో జాగ్రత్త

ప్రస్తుతం ఎక్కడ చూసినా డిజిటల్ వినియోగం పెరిగింది. ఈ కోవలోనే రియల్ ఎస్టేట్ రంగంలో కూడా డిజిటల్ ప్లాట్ ఫారమ్ ల ఉపయోగం పెరుగుతోంది. డిజిటల్ వినియోగం సౌకర్యంగా ఉంటున్నప్పటికీ, మోసాలకు కూడా అంతే అనువుగా ఉంటోంది. ప్రస్తుతం రియల్ రంగానికి సంబంధించి ఏకంగా 400 శాతానికి పైగా నకిలీ వెబ్ సైట్లు ఉన్నట్టు ఓ ప్రముఖ సంస్థ అధ్యయనంలో వెల్లడైంది. ఎంఫిల్టరెల్ట్ అనే అంతర్జాతీయ సంస్థ ఈ అంశంపై అధ్యయనం నిర్వహించి నివేదిక విడుదల చేసింది. దాని ప్రకారం 387 నకిలీ వెబ్ సైట్లు ఉన్నాయని.. వాటిలో కొన్ని బ్రాండ్ పేర్లను వినియోగించుకుని అక్రమంగా నిర్వహిస్తున్నారని తెలిపింది. ఈ నేపథ్యంలో అటు బిల్డర్లు, ఇటు కొనుగోలుదారులు అత్యంత అప్రమత్తంగా ఉండాలని సూచించింది. ఆయా ప్రాజెక్టుల పేరుతో సైతం వెబ్ సైట్లు ఏర్పాటు చేస్తుండటం ఆందోళనకర అంశమని, ఈ విషయంలో తగిన జాగ్రత్తలు పాటించాలని పేర్కొంది.