యూఏఈ ఇటీవల గృహ యాజమాన్య చట్టాలను సడలించడంతో ప్రపంచవ్యాప్తంగా ఉన్న వ్యక్తులు అక్కడ పెట్టుబడులు పెట్టే అవకాశం లభించింది. దీంతో పలువురు ప్రముఖులు దుబాయ్ లో సొంతిల్లు కొనుక్కోవడానికి తహతహలాడుతున్నారు. దుబాయ్ అనేది విలాసవంతమైన గమ్యస్థానంగా ఉన్నందున బాలీవుడ్ ప్రముఖులు కూడా అక్కడ పెట్టుబడులు పెట్టడానికి లేదా ఇల్లు కొనుక్కోవడానికి మక్కువ చూపిస్తున్నారు. దుబాయ్ లో ఇళ్లు కొనుగోలు చేసిన ఆరుగురు బాలీవుడ్ ప్రముఖులు ఎవరో తెలుసా?
బాలీవుడ్ బాద్ షాగా పిలుచుకునే షారుక్ ఖాన్ కు దుబాయ్ తో చక్కని సంబంధాలున్నాయి. దుబాయ్ టూరిజం అంబాసిడర్ గా ఉన్న షారుక్ కు పామ్ జుమేరా ఫ్రండ్ కె లో విలాసవంతమైన విల్లా ఉంది. జన్నత్ అని పిలిచే కింగ్ ఖాన్ దుబాయ్ ఇల్లు బీచ్ ఫేసింగ్ ప్రాపర్టీ కావడం విశేషం.
పలువురు బాలీవుడ్ ప్రముఖులు దుబాయ్ ను తమ రెండో ఇంటిగా భావిస్తారు. ఈ కోవలోకి అభిషేక్ బచ్చన్, ఐశ్యర్యారాయ్ బచ్చన్ కూడా వస్తారు. ఈ బాలీవుడ్ జంట 2015లోనే షేక్ హోల్డింగ్స్ అభివృద్ధి చేసిన జుమేరా గోల్ఫ్ ఎస్టేట్స్ లో బెస్పోక్ మేన్షన్ ను బుక్ చేసినట్టు వార్తలొచ్చాయి. 97 విల్లాలున్న ఈ ప్రాజెక్టు శాంక్చురీ ఫాల్స్ లో ఉంది.
బిగ్ బాస్-15 విజేత తేజస్వి ప్రకాశ్, ఆమె కాబోయే భర్త కరణ్ కుంద్రా కూడా దుబాయ్ లో ఇల్లు సొంతం చేసుకున్నారు. దుబాయ్ లో కొత్త ఇల్లు కొనుక్కున్నామని.. అది దుబాయ్ నడిబొడ్డున ఉన్న ఓ విలాసవంతమైన అపార్ట్ మెంట్ అని తేజస్వి ఇటీవల వెల్లడించారు.
భారతీయ హాస్య నటుడు కికు శారద డానుబే ఒపల్జ్ ప్రాజెక్టులో పెట్టుబడి పెట్టారు. డానుబే ప్రాపర్టీస్ లో పెట్టుబడి పెట్టిన పలువురు బాలీవుడ్ తారల్లో శారద ఒకరు.
భారతీయ సంగీత ద్వయం మీట్ బ్రదర్స్ కూడా దుబాయ్ రియల్ ఎస్టేట్స్ లో పెట్టుబడి పెట్టారు. వీరిద్దరూ డానుబే ప్రాపర్టీస్ ప్రాజెక్ట్ స్కైజ్ టవర్లలో అపార్ట్ మెంట్లను కొనుగోలు చేశారు.
బాలీవుడ్ ప్రముఖ నటి శిల్పా శెట్టికి తమ వివాహ వార్షికోత్సవ కానుకగా ఆమె భర్త రాజ్ కుంద్రా బుర్జ్ ఖలీఫాలో అపార్ట్ మెంట్ ఇచ్చినట్టు గతంలో వార్తలొచ్చాయి. అయితే, పామ్ జుమేరాలో పెద్ద విల్లాను కొనడం కోసం ఆమె ఆ అపార్ట్ మెంట్ ను విక్రయించినటటు సమాచారం.
This website uses cookies.