ప్లాటు కొంటే చాలు.. ఐదేళ్లలో 200 శాతం అప్రిసీయేషన్.. చేరువలో పారిశ్రామిక కారిడార్.. మెట్రో కనెక్టివిటీ.. అంటూ కొందరు డెవలపర్లు అరవై గజాలు, 75, 100 నుంచి 200 గజాల్లో ప్లాట్లను విక్రయించారు. కొందరైతే అందులో ఇళ్లనూ కట్టుకోవడం ఆరంభించారు. ఆ ఇళ్ల గురించి సోషల్ మీడియాలో హల్ చల్ మొదలైంది. కొందరు తాత్కాలికంగా దుకాణాల్ని ఏర్పాటు చేశారు. సరిహద్దుల్ని కట్టేశారు. దీంతో ఆలస్యంగా తేరుకున్న డీటీసీపీ అధికారులు ముందస్తుగా హెచ్చరించారు. అయినా, ఆ డెవలపర్లు వెనక్కి తగ్గలేదు. దీంతో జిల్లా ప్రణాళికా అధికారి స్థానికంగా సుమారు యాభై మంది పోలీసు సాయంతో రంగంలోకి దిగి.. జేసీబీలను తీసుకొచ్చి ఆ అక్రమ నిర్మాణాల్ని నేలమట్టం చేశారు. ఈ సంఘటన తెలంగాణలో కాదు.. గుర్గావ్ లో జరిగింది.
