శీతాకాలంలో ఇంటిని చిన్న చిన్న మార్పులతో అద్భుతంగా అలంకరించొచ్చు. మరి ఈ చలికాలంలో మీ ఇంటిని అందంగా డెకరేషన్ చేసుకోవడానికి కొన్ని చిట్కాలివిగో..
శీతాకాలం అంటే పగటి పూట కాంతి తక్కువగా ఉంటుంది. అందువల్ల మీ ఇంటిని లైట్ల వెలుగుతో నింపండి. ఇంట్లో చీకటిగా ఉండే ప్రదేశాల్లో దీపాలను అమర్చండి.
వెచ్చదనం కోసం ఫైర్ ప్లేస్ ఏర్పాటు చేసుకోండి. ఇది చలి నుంచి కాపాడటమే కాకుండా మీ ఇంటికి వింటేజ్ లుక్ తీసుకొస్తుంది.
సోఫాపై ఉండే కుషన్ కవర్లను అన్నీ ఒకటే కాకుండా వేర్వేరుగా ఉంచుకోండి. దీనివల్ల మీ గదికి కొత్త అందం వస్తుంది.
వెచ్చదనం కలిగించే రంగులు ఎంచుకుని వేయించుకోండి.
శీతాకాలంలో ఇంటిని అందంగానూ, సౌకర్యవంతంగా ఉంచడంలో రగ్గులది కీలకపాత్ర. రకరకాల రంగులు, షేపులు, టెక్చర్లతో కూడిన రగ్గులు మీ ఇంటికి మరింత వన్నె తెస్తాయి.
శీతాకాలంలో బాల్కనీలో కూర్చుని ఎండ వేడిని ఆస్వాదిస్తుంటే వచ్చే ఆ మజానే వేరు. అందువల్ల మీ బాల్కనీని మీరు కూర్చుని ఆహ్లాదంగా గడిపేలా అందంగా డెకరేషన్ చేసుకోండి.
కొవ్వొత్తులు ఎప్పుడైనా సరే ఇంటిని అందం తెస్తాయి. అయితే, శీతాకాలంలో ఇవి మరింత బాగుంటాయి. అందువల్ల కొవ్వొత్తులు వెలిగించి అక్కడక్కడా ఉంచండి.