ఏయే ప్రాంతాలు? ఎంత పెరిగింది?

తెలంగాణ రాష్ట్ర ప్ర‌భుత్వం ఫిబ్ర‌వ‌రి 1 నుంచి అపార్టుమెంట్ల విలువల్ని స‌వ‌రించింది. ఈ మేర‌కు స్టాంపులు, రిజిస్ట్రేష‌న్ శాఖ స‌రికొత్త జీవోను విడుద‌ల చేసింది. దీని ప్ర‌కారం హైద‌రాబాద్‌లోని ప‌లు ముఖ్య‌మైన ప్రాంతాల్లో నివాస మ‌రియు వాణిజ్య స‌ముదాయాల్లో అపార్టుమెంట్ల విలువ‌లు ఇలా ఉన్నాయి. మాదాపూర్చ గ‌చ్చిబౌలి, కొండాపూర్‌, మంచిరేవుల‌, ఖాజాగూడ‌, నాన‌క్‌రాంగూడ వంటి ప్రాంతాల్లో ఫ్లాట్లు రిజిస్ట్రేష‌న్ చేసుకునేవారు ఇక నుంచి చ‌ద‌ర‌పు అడుక్కీ 3000 నుంచి 4500 చొప్పున లెక్కిస్తారు.

పిరంచెరువు, పొప్పాల్‌గూడ‌, మ‌ణికొండ‌, నార్సింగి, బండ్ల‌గూడ‌, కొల్లూరు, అమీన్‌పూర్ వంటి ప్రాంతాల్లో చ‌ద‌ర‌పు అడుక్కీ 2200 చొప్పున లెక్కిస్తారు. ఇదే ప్రాంతాల్లో వాణిజ్య స‌ముదాయాల్ని రిజిస్ట‌ర్ చేసుకోవాలంటే చ‌ద‌ర‌పు అడుక్కీ 3000 నుంచి 7300 చొప్పున లెక్కిస్తారు. మియాపూర్ నుంచి బొల్లారం రోడ్డులో కొత్త‌గా క‌ట్టే అపార్టుమెంట్ల‌లో రిజిస్ట్రేష‌న్ చేసుకోవాలంటే చ‌ద‌ర‌పు అడుక్కీ 3800 చొప్పున లెక్కిస్తారు. అంటే, ఈ ప్రాంతంలో ఓ వ్య‌క్తి 1500 చ‌ద‌ర‌పు అడుగుల ఫ్లాట్ కొన్నార‌నుకుందాం.. సుమారు రూ.4.30 ల‌క్ష‌ల (3800 1500గ 7.5జ‌100) దాకా రిజిస్ట్రేష‌న్ కోసం చెల్లించాల్సి ఉంటుంది.