బాలీవుడ్ నటుడు హృతిక్ రోషన్ గురించి ప్రత్యేకంగా పరిచయం అక్కర్లేదు. విభిన్నమైన పాత్రలు, సినిమాలతో తెలుగు ప్రేక్షకులకు కూడా సుపరిచితమైన ఆయన ఇల్లు కూడా అంతే విలక్షణంగా ఉంటుంది. ముంబైలోని జుహూ తీర ప్రాంతంలో సొగసుగా కనిపించే హృతిక్ ఇల్లు కేవలం నివాసం మాత్రమే కాదు.. అది ఆయన వ్యక్తిగత శైలి, ప్రపంచ ప్రభావాలు, కళల పట్ల ఉన్న మక్కువను సజావుగా మిళితం చేసే అందమైన ప్రపంచం. ఆర్కిటెక్ట్ ఆశిష్ షాచే డిజైన్ చేసిన ఇంటికి హృతిక్ సృజనాత్మక కూడా తోడు కావడంతో.. ఈ సాగరముఖ సౌథం ప్రశాంతత, అధునాతనతను ప్రసరింపజేసే నాటికల్ థీమ్ తో ఎంతగానో ఆకట్టుకుంటుంది.
రోషన్ ఇంటికి చేరుకున్న క్షణం నుంచి మీరు దాని ప్రశాంతమైన నీలం, తెలుపు రంగు పాలెట్ మైమరింపజేస్తుంది. నాటికల్ మూలాంశాలతో లోతుగా ప్రభావితమైన ఈ డిజైన్.. ఆ స్థలాన్ని తీరప్రాంత స్వర్గధామంగా మార్చేసింది. హాయిగొలిపే రంగులు, గాలులతో కూడిన డెకరేషన్.. కేవలం సౌందర్యాన్ని మాత్రమే కాదు.. విలాసవంతమైన, ఆహ్వానించతగ్గ నివాసంగా తీర్చిదిద్దిన రోషన్ విజన్ ను తెలియజేస్తుంది.
జైపూర్ రగ్స్ నుంచి తీసుకొచ్చిన బెస్పోక్ ఇండిగో రగ్గు.. రోషన్ లివింగ్ రూమ్ ప్రత్యేక లక్షణాలలో ఒకటి. ఈ రగ్గు కేవలం డిజైన్ ఎలిమెంట్ మాత్రమే కాదు.. వ్యక్తిగత ప్రాముఖ్యతతో నిండిన భాగం. ఇండిగో షేడ్.. రోషన్ 2016లో వచ్చిన చిత్రం మొహెంజో దారో నుంచి ప్రేరణ పొందింది. ఆ సినిమాలో ఆయన ఇందులో అతను నీలిమందు రైతుగా నటించారు. చలన చిత్ర నిర్మాణ సమయంలో గుర్తించిన ఆ కచ్చితమైన రంగును తన ఇంటికి సరైన ఎంపిక అని ఆయన భావించారు. నిజంగానే ఈ రగ్గు రోషన్ ఇంటికి అదనపు వన్నె తెచ్చింది. ఇక డైనింగ్ హాల్ విషయానికి వస్తే.. కాస్త విభిన్నంగా కనిపిస్తుంది.
భోజనం చేసే స్థలం ఎంపిక విషయంలో హృతిక్ అనుసరించిన విధానం అసాధారణంగా, సంప్రదాయశైలికి భిన్నంగా ఉంది. స్థిరంగా ఓ చోట కూర్చుని భోజనం చేసే ఏర్పాటు లేదు. దానికి బదులుగా ఇంటి చుట్టూ ఉన్న వివిధ ప్రదేశాలలో భోజనాన్ని ఆస్వాదించవచ్చు. అది గదిలో కావొచ్చు.. టెర్రస్ మధ్యలో లేదా రోషన్ బెడ్‌రూమ్‌లో కూడా కావొచ్చు. ఇది ఆయన పిల్లల్లో సృజనాత్మకత, ఓపెన్ మైండ్ నెస్ పెంపొందించడానికి ఉద్దేశించిన ఎంపిక. డైనింగ్‌కి సంబంధించిన ఈ డైనమిక్ విధానం.. ఆ స్థలాన్ని అనుకూలమైనదిగా, ఆకర్షణీయంగా ఉంచాలనే రోషన్ కోరికను ప్రతిబింబిస్తుంది.
రోషన్ ఇంటి ఇంటీరియర్స్.. ఆయనకు ప్రయాణం పట్ల ఉన్న ప్రేమకు నిదర్శనంగా కనిపిస్తాయి. ప్రతి గది ప్రపంచంలోని వివిధ మూలల నుంచి సేకరించిన కళాఖండాలతో అలంకరించి ఉంటుంది. అవన్నీ హృతిక్ ప్రయాణాలు, అనుభవాలను ప్రతిబింబిస్తాయి. ఆయన గదిలో ఉండే ముదురు తోలు కుర్చీ దుబాయ్ నుంచి తీసుకొచ్చారు. అలాగే గదిలో ఏర్పాటు చేసిన చెక్క పడవను మారిషస్ లో కొనుగోలు చేశారు. ఇవన్నీ ఆయన ఇంటికి ప్రత్యేకతలను జోడించడమే కాకుండా రోషన్ ప్రపంచ అన్వేషణలు, అభిరుచులను ప్రతిఫలింపజేస్తాయి.
ఇక ఆయన డెన్ అనేది ఎంతో ఆసక్తికరంగా ఉండే ప్రదేశం. అది ఊహించని విలాసాలతో నిండి ఉంటుంది. సాధారణ విశ్రాంతి ప్రాంతం నుంచి బహుముఖ వినోద కేంద్రంగా మారుతుంది. అక్కడున్నవాటిలో ఎరుపు రంగు ఇంగ్గిష్ టెలిఫోన్ బూత్, ఫూస్‌బాల్, బిలియర్డ్స్ టేబుల్.. ఇంకా చాక్లెట్ డిస్పెన్సింగ్ మెషిన్ ముఖ్యమైనవి. తెల్లగా, కడిగిన ముత్యంలా కనిపించే గోడ.. రాత్రుళ్లు కుటుంబంతో కలిసి సినిమాలు వీక్షించేందుకు అనువైన తెరగా పనిచేస్తుంది. మొత్తమ్మీద అటు విశ్రాంతి తీసుకోవడానికి, ఇటు కుటుంబతో కలిసి ఉల్లాసంగా గడిపేందుకు అనువైన వేదికగా ఆ డెన్ మారుతుంటుంది.
రోషన్ ఇంట్లో సౌందర్యాన్ని మరింత అనుమడింపజేసే అంశాల్లో కళది కీలకపాత్ర. డైనింగ్ రూమ్‌లో ప్రఖ్యాత కళాకారుడు ఎస్ హెచ్ రజా చిత్రలేఖనం ఉంటుంది. అలాగే ఫొటోగ్రాఫర్ భరత్ సిక్కా తీసిన రోషన్ కుటుంబ ఫొటోలు కదిలే నల్లటి గ్రిడ్ ఉపరితలంపై కనువిందు చేస్తాయి. లివింగ్ రూమ్ లోని ప్రతి కళాకృతి కళాత్మక వ్యక్తీకరణ పట్ల రోషన్ కు ఉన్న లోతైన అవగాహనను తెలియస్తుంది. అవన్నీ ఎంతో ఆసక్తి కలిగించే చిత్రాలు కావడం విశేషం.
మొత్తానికి హృతిక్ రోషన్ ఇల్లు ఆయన విలక్షణమైన శైలి, వ్యక్తిగత అభిరుచులకు నిదర్శనం. ఇది డిజైన్ కార్యాచరణకు అనుగుణంగా ఉండే స్థలం. అంతే కాకుండా గ్లోబల్ డెకర్ నుంచి ఫ్లెక్సిబుల్ డైనింగ్ ఏర్పాట్ల వరకు ప్రతి అంశం ఓ కథను చెబుతుంది. ఈ తీర ప్రాంత అభయారణ్యాన్ని రోషన్ నివాసం కంటే ఎక్కువగా ఫీలై రూపొందించుకున్నారు. తన ప్రయాణం, అభిలాషలు, ఇంటి సారాంశాన్ని ప్రతిబింబించే శక్తివంతమైన, చైతన్యవంతమైన వాతావరణంగా మార్చుకున్నారు.
This website uses cookies.