డేటా సెంటర్లలో.. భారీగా పెట్టుబడులు

దేశలో డేటా సెంటర్లలో పెట్టుబడులు 2025 నాటికి 20 బిలియన్ డాలర్లను అధిగమించే అవకాశం ఉందని సీబీఆర్ఈ సౌత్ ఏసియా ప్రైవేట్ లిమిటెడ్ అధ్యయనం పేర్కొంది. ‘డేటా సెంటర్స్ ఇన్ ఇండియా: పవరింగ్ అప్ రియల్ ఎస్టేట్ ఇన్ డేటా హై ఎరా‘ అనే అంశంపై తాజాగా ఈ సంస్థ నివేదిక విడుదల చేసింది.

పెరుగుతున్న డిజిటలైజేషన్, బలమైన ప్రభుత్వ విధానాలు, ఓటీటీ, ఆన్ లైన్ గేమింగ్, స్మార్ట్ ఫోన్ల వినియోగం పెరగడం, ఈ కామర్స్, ఆన్ లైన్ స్కూలింగ్, మెషీన్ లెర్నింగ్, 5జీ, బ్లాక్ చైన్, ఆర్టిఫిషియల్ ఇంటెలిజెన్స్ వంటి అంశాలు దేశంలో డేటా సెంటర్ల వృద్ధికి తోడ్పడుతున్నాయని వివరించింది. 2022 తొలి అర్ధభాగం నాటికి దేశంలో 600 ప్లస్ మెగావాట్ల సామర్థ్యంతో 9 మిలియన్ చరదపు అడుగుల్లో డేటా సెంటర్లు ఉండగా.. 2024 నాటికి ఇది రెట్టింపు అవుతుందని అంచనా వేశారు. ప్రస్తుతం దేశంలోని పలు నగరాల్లో 400 మెగావాట్ల సామర్థ్యం కలిగిన డేటా సెంటర్లు నిర్మాణంలో ఉన్నాయి.