ఏ విల్లా? ఎంత ధర?

కొన్ని ప్రాంతాల్లో డెవలపర్లు విల్లాల పేరిట అధిక రేటుకు విక్రయిస్తూ.. నిర్మాణాల్ని మాత్రం నాసిరకంగా నిర్మిస్తున్నారనే విమర్శలు వినిపిస్తున్నాయి. ముఖ్యంగా క్రిష్ణారెడ్డిపేట్, పటాన్ చెరు, కొల్లూరు, ఘట్ కేసర్ వంటి ప్రాంతాల్లో కొందరు బిల్డర్లు ఈ తరహా విల్లాల్ని కడుతున్నారని సమాచారం. ఇక్కడ బయ్యర్లు గమనించాల్సిన అంశం ఏమిటంటే.. మీరే ప్రాజెక్టు వద్ద కొనేందుకు ప్రయత్నించినా.. ముందుగా ఆయా బిల్డర్ నిర్మించిన గత ప్రాజెక్టుల నాణ్యత గురించి తెలుసుకున్నాకే తుది నిర్ణయానికి రావడం ఉత్తమం. ఎందుకంటే, ఈ మధ్య కొందరు ఔత్సాహిక బిల్డర్లు రేటు తక్కువ అంటూ ప్రీలాంచ్లో విక్రయిస్తూ.. మరోవైపు నాణ్యతలేని నిర్మాణాల్ని కొన్నవారికి అప్పగిస్తున్నారు. ఎవరైనా గట్టిగా నిలదీస్తే.. వారు పెట్టిన పెట్టుబడికి అదే నాణ్యత వస్తుందని దబాయిస్తున్నారని తెలిసింది. కాబట్టి, విల్లాలు కొనేవారు అతి జాగ్రత్తగా నిర్ణయం తీసుకోవాలి.