జైన్ కన్ స్ట్రక్షన్స్ కాసా వాటర్ సైడ్

నగరానికి చెందిన జైన్ కన్ స్ట్రక్షన్స్ మల్కాజిగిరి సఫిల్ గుడాలో కాసా వాటర్ సైడ్ పేరుతో గేటెడ్ కమ్యూనిటీ ప్రాజెక్టును ఆవిష్కరించింది. సుమారు 8.49 ఎకరాల విస్తీర్ణంలో రూపుదిద్దుకుంటున్న ఈ ప్రాజెక్టులో ఐదు ఎకరాల్లో అపార్టుమెంట్లను నిర్మిస్తోంది. ఇందులో వచ్చేవి 520 లగ్జరీ ఫ్లాట్లు. ఫ్లాట్ ఆరంభ ధర రూ.81.5 లక్షలు కాగా గరిష్ఠంగా రూ.1.9 కోట్ల దాకా ఉంటుంది. నాణ్యతలో ఎక్కడా రాజీపడకుండా నిర్మిస్తున్నామని.. ఇప్పటివరకూ సుమారు 240 ఫ్లాట్లను విక్రయించామని సంస్థ వైస్ ప్రెసిడెంట్ సుబ్రత్ చౌదరి తెలిపారు. ఇందులో నివాసితులకు కావాల్సిన సమస్త ఆధునిక సదుపాయాల్ని కల్పిస్తున్నామని తెలిపారు.