రియల్ రంగంలో దేశంలోనే ఉత్తమ సీఈవోగా ప్రెస్టీజ్ గ్రూప్ చైర్మన్ అండ్ మేనేజింగ్ డైరెక్టర్ ఇర్ఫాన్ రజాక్ ఎంపికయ్యారు. రిటైల్, రియల్ ఎస్టేట్ లో 48 ఏళ్లకు పైగా అనుభవం కలిగిన రజాక్ ఈ గౌరవం పొందారు. ఇటీవల ముగిసిన బిజినెస్ టుడే వార్షిక సదస్సులో ఆయన్ను సత్కరించారు. ఈ సందర్భంగ రజాక్ మాట్లాడుతూ.. తనకు ఈ గుర్తింపు రావడం గౌరవంగా భావిస్తున్నట్టు చెప్పారు. ‘నా టీంలోని ప్రతి ఒక్కరికీ ఈ సందర్భంగా ధన్యవాదాలు తెలుపుతున్నాను.
వారి కృషి, మద్దతు లేకుండా ఈ గౌరవం పొందడం సాధ్యం కాదు. కస్టమర్ ఆనందం.. సకాలంలో డెలివరీ.. ఇదే మా విజయ మంత్రం. మేం అన్ని ప్రమాణాలలనూ అధిగమించి, కొత్త అభిరుచితో ముందుకు సాగుతున్నామనడానికి ఇదే నిదర్శనం. ప్రెస్టీజ్ గ్రూప్ ఎప్పటికీ గట్టిగా నిలబడుతుంది. అలాగే చెప్పినదానికి కట్టుబడి ఉంటుంది. ఇక వాణిజ్యపరంగా కూడా మేం కొన్ని కీలకమైన ప్రాజెక్టులు కలిగి ఉన్నాం’ అని పేర్కొన్నారు.
