ఇల్లు కొనేముందు తప్పనిసరిగా చూసుకోవాల్సిన పత్రాల్లో ఎన్ కంబరెన్స్ సర్టిఫికెట్ ఒకటి. దీనిని ఈసీ అని పిలుస్తారు. ఆస్తి యొక్క చట్టపరమైన స్వాధీనాన్ని నిర్ధారించే కీలకమైన డాక్యుమెంట్ ఇది. సదరు ఆస్తి ఎలాంటి వివాదాల్లో లేదని ఈ పత్రం ద్వారానే తెలుస్తుంది. ఈ నేపథ్యంలో ప్రతి ప్రాపర్టీ కొనుగోలు, అమ్మకం లావాదేవీలో ఈసీ చాలా కీలకమైన పత్రం. సదరు ఆస్తిపై జరిగిన లావాదేవీలకు సంబంధంచిన వివరాలన్నీ ఈసీలో ఉంటాయి. ఆస్తిపై తనఖా లేదా రుణం ఉంటే ఇది తెలియజేస్తుంది. ఇల్లు కొనడం అనేది ఓ ముఖ్యమైన ఆర్థిక పెట్టుబడి. అందువల్ల క్లయింట్లు తప్పనిసరిగా ఈసీని పరిశీలించాలి. ఈసీ తీసుకోవడం వల్ల సదరు ఆస్తికి తాత్కాలిక హక్కులు, బకాయి ఉన్న అప్పులు, లీజులు వంటి ఎలాంటి ఆర్థిక లేదా ఆర్థికేతర బాధ్యతలు ఉండవని కొనుగోలుదారులకు హామీ ఇస్తుంది
