గాలిమేడలు ఇక గాయబ్!

ట్రిపుల్ వ‌న్ జీవో ఎత్తివేత వ‌ల్ల ప‌శ్చిమ హైద‌రాబాద్ రియ‌ల్ రంగంపై ప్ర‌తికూల ప్ర‌భావం ఉండ‌ద‌ని గిరిధారి క‌న్‌స్ట్ర‌క్ష‌న్స్ ఎండీ ర‌ఘుప‌తిరెడ్డి తెలిపారు. మ‌హ‌బూబ్‌న‌గ‌ర్‌లో కొత్త ప్రాజెక్టును ఆరంభించిన సంద‌ర్భంగా ఏర్పాటు చేసిన స‌మావేశంలో ఆయ‌న రియ‌ల్ ఎస్టేట్ గురుతో ప్ర‌త్యేకంగా మాట్లాడుతూ.. ఈ 84 గ్రామాలు న‌గ‌రానికి కాస్త దూరంగా ఉండ‌టం.. ప్ర‌స్తుతం అక్క‌డ త‌క్ష‌ణ‌మే నిర్మాణ ప‌నుల్ని ఆరంభించ‌లేని ప‌రిస్థితి నెలకొనడం.. పైగా ట్రిపుల్ వ‌న్ జీవో ఎత్తివేత మీద కోర్టులేమంటాయో తెలియ‌కుండా ఉండటం వంటి అంశాల కారణంగా.. 69 జీవో అమ‌ల్లోకి రాగానే నిర్మాణ రంగంపై ప్ర‌తికూల ప్రభావం ప‌డుతుంద‌నేది అపోహ మాత్ర‌మేన‌ని వివ‌రించారు. ప్రస్తుత పరిస్థితుల్లో న‌గ‌రాల్లోనే కాదు.. గ్రామాల్లో ఇల్లు క‌ట్టుకున్నా.. నిర్మాణ వ్య‌యం త‌డిసిమోపెడు అవుతుంద‌న్నారు. త‌మ ఊర్లో ఒక వ్య‌క్తి రూ.20 ల‌క్ష‌లు అవుతుంద‌ని ఇంటి నిర్మాణం ప్రారంభిస్తే.. అది పూర్త‌య్యేస‌రికి రూ.80 ల‌క్ష‌లు అయ్యింద‌ని తెలిపారు. ఇంకా ఏమ‌న్నారో ఆయ‌న మాట‌ల్లోనే..

ప్ర‌స్తుత ప్రాజెక్టులు..

కిస్మత్ పూర్లో ఆరంభించిన హై ఎండ్ విల్లా ప్రాజెక్టు నిర్మాణ పనులు 80 శాతం పూర్తయ్యాయి. ఏడాదిన్నర లోపు కొనుగోలుదారులకు అందజేస్తాం. హైద‌రాబాద్‌తో పాటు ద్వితీయ‌, తృతీయ శ్రేణీ ప‌ట్ట‌ణ‌వాసుల‌కు న‌గ‌రంలో ల‌భించే అత్యాధునిక స‌దుపాయాల్ని అందించాల‌న్న ల‌క్ష్యంతో.. ఆదిలాబాద్ నుంచి అమ‌న్ గ‌ల్ దాకా గేటెడ్ క‌మ్యూనిటీ లేఅవుట్లు, అపార్టుమెంట్లు, విల్లాల్ని క‌ట్టేందుకు అడుగులు ముందుకేస్తున్నాం. ఈ క్రమంలో మ‌హ‌బూబ్ న‌గ‌ర్‌లో ఇప్ప‌టికే అభివృద్ధి చేసిన గేటెడ్ క‌మ్యూనిటీ లేఅవుట్ ప్రాజెక్టులో అపార్టుమెంట్ల‌ను ఆరంభించాం. మొద‌టి విడ‌త‌లో భాగంగా క‌డుతున్న ఫ్లాట్ల‌ను లాంచ్ చేసిన రోజే చదరపు అడుక్కీ రూ.4000 చొప్పున అమ్మేశాం. దీంతో, రెండో ఫేజును ఆరంభించ‌డానికి స‌న్నాహాలు చేస్తున్నాం. ఇలా మొత్తం 4 లక్షల చదరపు అడుగుల్లో నిర్మాణాల్ని చేపట్టాలన్న లక్ష్యాన్ని నిర్దేశించుకున్నాం.

వికారాబాద్‌లో వీకెండ్ విల్లాలు..

హైద‌రాబాద్ నుంచి వికారాబాద్‌కు సులువుగా రాక‌పోక‌లు సాగించొచ్చ‌నే అంశాన్ని ప‌రిగ‌ణ‌న‌లోకి తీసుకుని.. ఆయా ప్రాంతానికి గ‌ల ఆద‌ర‌ణ‌ను దృష్టిలో పెట్టుకుని.. 12 ఎక‌రాల్లో న‌ల‌భై వీకెండ్ హోమ్స్‌ నిర్మిస్తున్నాం. మేం అనుకున్న దానికంటే అధిక ఆద‌ర‌ణ ల‌భిస్తోంది. 240 గ‌జాల్లో 2000 చ‌ద‌ర‌పు అడుగుల విల్లాను రూ.95 ల‌క్ష‌ల్నుంచి విక్ర‌యిస్తున్నాం. జ‌హీరాబాద్‌లో 10 ఎక‌రాల్లో గేటెడ్ క‌మ్యూనిటీ ప్లాట్ల‌ను ప్ర‌స్తుతం అమ్ముతున్నాం. జ‌డ్చ‌ర్ల‌లోనూ 30 ఎక‌రాల్లో సీజ‌న్స్ టౌన్ ఆరంభించాం. అందులో ఒక అపార్టుమెంట్ క‌ట్టేందుకు ప్ర‌ణాళిక‌లు ర‌చిస్తున్నాం. క‌రీంన‌గ‌ర్, వ‌రంగ‌ల్ వంటి ప్రాంతాల్లో భూముల్ని సేక‌రించే ప‌నిలో ఉన్నాం.