నా ఇల్లు అర్థవంతంగా ఉండాలి

దాస్ కా ధమ్కీ నటి ప్రణతిరాయ్ ప్రకాష్.. ఓ ప్రాపర్టీ సొంతం చేసుకోవడానికి పెట్టుబడి పెట్టారు. అయితే, అది పూర్తి కావడానికి కాస్త సమయం పట్టనుంది. ఈ నేపథ్యంలో ఆమె తన మొదటి నివాసంలో జరిగిన బోలెడు సంగతులు పంచుకున్నారు.

‘నేను డెహ్రాడూన్ లో నివసించిన ఇల్లు నాకు అత్యంత ఇష్టమైనది. మీరు నమ్ముతారో లేదో కానీ మేం శతాబ్దపు పాత ఇంటిని కలిగి ఉన్నందుకు గర్వపడతాం. ఆ ఇంటిని బ్రిటిష్ ఆర్కిటెక్చర్ సహాయంతో నిర్మించారు. ఎత్తైన పైకప్పులు, బోలెడు వుడ్ వర్క్ తో ఆ ఇల్లు ఉంటుంది. మా ఇంట్లో ఒకటి కాదు.. రెండు అందమైన లాన్లు ఉన్నాయి. అవి కనులకు ఎంతో ఇంపుగా కనిపిస్తాయి. పెరట్లో ఉన్న తోటను శాకాహార తోటగా మార్చాం’ అని ప్రణతి వివరించారు. ఇన్నేళ్ల తర్వాత కూడా ఆధునిక ఆర్కిటెక్చర్ ని సరికొత్త పద్ధతిలో ఎలా తీర్చిదిద్దాలో ఆమెకు తెలుసు. ‘నా ఇంటిని అనవసరమైన వస్తువులతో నింపకుండా ఉండటంపై దృష్టి పెట్టాలని భావిస్తున్నాను.

అది మనందరికీ మినిమలిజం. మొత్తానికి నా ఇంటిని అర్థవంతంగా చూడాలన్నదే నా కోరిక. తెలుపు, లేత గోధుమరంగు ఇంటీరియర్లు అద్భుతంగా ఉంటాయి. ఈ తటస్థ రంగుల పాలెట్ తో ప్రశాంతమైన ప్రకాశాన్ని చూడటం బాగుంటుంది. నాకు వుడ్ వర్క్ అంటే చాలా ఇష్టం. నా కొత్త ఇంట్లో కూడా వాటిని ఏర్పాటు చేస్తాను. అయితే, నేను కేవలం ఒకే డిజైన్ స్టైల్ తో ముందుకు వెళ్లను. నా దైనందిన జీవన విధానం మార్చేలా వాటిని ఎంచుకుంటాను’ అని పేర్కొన్నారు.

ప్రణతి రాయ్ వృక్షజాలాన్ని, జంతుజాలాన్ని ఆస్వాదించాలని కోరుకుంటారు. అలాగే ఆర్కిటెక్చర్ ఆమెను సాంస్కృతికంగా ప్రభావితం చేస్తుంది. ‘సముద్ర వైపు ఉన్న ఫ్లాట్ నాకు బాగా అనిపిస్తుంది. చెట్లు పెంచడంపైనా నాకు ఎంతో ఆసక్తి ఉంది. నేను ఇంట్లోనే సొంత అడవిని తయారు చేసుకోగలను. ఇక ఇండోర్ స్విమింగ్ పూల్ అద్భుతంగా ఉంటుంది. ప్రస్తుతం నేను అర్బన్ ఫ్లోటింగ్ సిటీలో ఉంటున్నందున నా స్వప్నాన్ని సాకారం చేసుకోవడానికి ఎలాంటి ఇబ్బందీ ఉండదు. ఆ ప్రాపర్టీ నాకు సముద్రం యొక్క అందమైన దృశ్యాలను, దాని హోరును అందిస్తుంది’ అని వివరించారు.

ఇది తనకు పగటి కల కంటున్న అనుభూతిని కలిగిస్తుందని, అయినప్పటికీ పర్వాలేదని పేర్కొన్నారు. ‘హాయిగా గాలి పీల్చుకునే వాతావరణం, సులభమైన నిర్వహణ, మానసికంగా దిగులుగా ఉండకపోవడం వంటి అంశాలపైనే నేను ప్రధానంగా దృష్టి సారిస్తాను. నిర్మాణ స్థలం కూడా నాకు చాలా ముఖ్యం’ అని చెప్పారు. ఆమె తన కొత్త ప్రాపర్టీలోతన ఆస్తిటిక్స్ ద్వారా మాత్రమే స్థిరత్వాన్ని మెరుగుపరచాలని కోరుకుంటున్నారు.