మట్టి, రాళ్లతో చదును చేసిన గుట్టల బేగంపేట్ చెరువుని పరిరక్షించాలని పర్యావరణవేత్త డాక్టర్ లుబ్నా సార్వత్ కోరారు. ఆమె శుక్ర‌వారం గుట్టల బేగంపేట్ చెరువు దురాక్ర‌మ‌ణ‌కు గురైన విష‌యాన్ని.. ఉప‌గ్ర‌హ చిత్రాల‌తో స‌హా రంగారెడ్డి జిల్లా కలెక్టర్ కు ఫిర్యాదు చేశారు. ఈ చెరువు ఇన్ ఫ్లో ఛానెల్ ను ధ్వంసం చేశారని.. చెరువు పక్కన కొందరు వ్యక్తులు దురాక్రమణ చేశారని తెలిపారు.
అధికారులు వెంటనే రంగంలోకి దిగి.. గుట్టల బేగంపేట్ చెరువును పరిరక్షించాలని విజ్ఞ‌ప్తి చేశారు. ఈ చెరువుని పున‌రుద్ధ‌రిస్తే అది నీటిని అందించ‌టంతో పాటు చుట్టుప‌క్క‌ల ప్రాంతాలకు వ‌ర‌ద నీరు రాకుండా నిరోధిస్తుంద‌ని తెలిపారు. త‌మ ఫిర్యాదును ఎన్‌జీటీలో కేసు దాఖ‌లు చేయ‌డానికి ముంద‌స్తు నోటీసుగా ప‌రిగ‌ణిస్తామ‌ని తెలిపారు.
This website uses cookies.