ఏడాదిన్న‌రగా తగ్గిన అమ్మ‌కాలు?

ఇక ద‌క్షిణ హైద‌రాబాద్ విష‌యానికొస్తే.. గ‌త నాలుగేళ్లకు పైగా అమ్ముడుకాని ఫ్లాట్లు ఎంత‌లేద‌న్నా 968 ఉన్నాయి. వీటిని అమ్మేందుకు మ‌రెంత లేద‌న్నా ఏడాదికి పైగా ప‌డుతోంద‌ని అంచ‌నా. ఉత్త‌ర హైద‌రాబాద్‌లో గ‌త మూడేళ్ల నుంచి అమ్ముడ‌వ్వ‌ని ఫ్లాట్లు ఎంత‌లేద‌న్నా రెండు వేల‌కు పైగా ఉంటాయి. వీటిని అమ్మేందుకు ఏడాదిలోపు ప‌డుతుంది. తూర్పు హైద‌రాబాద్‌లో మూడేళ్ల నుంచి 951 ఫ్లాట్లు అమ్ముడు కాలేదు. ఇందుకోసం ఎంత‌లేద‌న్నా మరో ఆరు నుంచి ఎనిమిది నెల‌లు ప‌ట్టే అవ‌కాశ‌ముంది. సెంట్ర‌ల్ హైదరాబాద్‌లో ఏడాదిన్న‌ర‌కు పైగా మిగిలినవి 612 ఫ్లాట్లు కాగా. వీటిని విక్ర‌యించేందుకు మ‌రో 8 నెల‌లైనా అవుతుంది. మ‌రి, న‌గ‌రంలో ఫ్లాట్లు కొనేముందు ప్ర‌తి అంశాన్ని తెలుసుకున్నాకే అడుగు ముందుకేయండి.

గత ఆరు నెలల్లో బంజారాహిల్స్, జూబ్లీహిల్స్, కోకాపేట్లో రెండు శాతం రేట్లు పెరిగాయి. ఎల్బీ నగర్, మణికొండలో 3 శాతం.. నాచారం, సైనిక్ పురి, రాజేంద్రనగర్, బండ్లగూడలో 4 శాతం అధికమయ్యాయి. కొంపల్లిలో ఐదు శాతం రేటు పెరిగింది.