ప‌ట్ట‌ణాల‌కూ ప‌క్కా ప్ర‌ణాళిక‌లు.. ఐటీపీఐ కొత్త ఛైర్మ‌న్ కొమ్ము విద్యాధ‌ర్‌

దేశవ్యాప్తంగా పట్టణ మరియు గ్రామీణ ప్రాంతాల ప్రణాళికలకు సంబంధించిన వృత్తి విద్యా నైపుణ్యాలను పెంపొందించేందుకు, ఆధునిక ప‌ద్ధ‌తుల్ని ప్రోత్సహించేందుకు 1951లో ఐటీపీఐని స్థాపించారు. దాదాపు 7000 మందికి పైగా సభ్యులతో ఈ సంస్థ తెలంగాణ రాష్ట్రంతో పాటు దేశంలోని అన్ని రాష్ట్రాలలోనూ శాఖలుగా విస్తరించబడి గణనీయమైన సేవలందిస్తోంది. ఇంత గొప్ప సంస్థను ఏర్పాటు చేసింది తెలంగాణ వాసి, ఆనాటి హైదరాబాద్ నగరపాలక సంస్థ ఛీఫ్ సిటీ ప్లానర్‌గా పని చేసిన ఫయాజుద్దీన్ కావ‌డం గ‌మ‌నార్హం. ఈ సంస్థ ముఖ్య ఉద్దేశ్యాల గురించి ఎంత చెప్పినా త‌క్కువే అవుతుంది. పట్టణ గ్రామీణ ప్రాంతాల అభివృద్ధికి స్థిరమైన, శక్తివంతమైన, స్థితి స్థాపకమైన ప్రణాళికా విధివిధానాలను రూపొందిస్తుంది. పట్టణ గ్రామీణ ప్రణాళికా విభాగాలలో వృత్తి విద్యలను ఎంచుకునే వారిలోని ఆసక్తిని పరిరక్షిస్తూ ప్రోత్సహిస్తుంది. ప్రాంతీయ పరమైన పట్టణ గ్రామీణ ప్రాంతాల అభివృద్ధికి కావలసిన పరిశోధన, విద్యావిధానాలు గుర్తించి ప్రోత్సాహకాలు అందించడానికి ఆర్థిక సహకారం అందిస్తుంది.

ఐటీపీఐలో సభ్యులుగా చేరే అభ్యర్థుల అర్హత, నైపుణ్యాలను బట్టి సభ్యులుగా చేర్చుకునే విధి నిర్వర్తిస్తుంది. ప్రణాళికారంగంలో నైపుణ్యాన్ని పెంపొందించుకునేందుకు యూనివర్సిటీలు, కాలేజీలకు వెళ్ల లేని విద్యార్థులకు అసోసియేట్ పరీక్షలు నిర్వహిస్తుంది. ఇందులో ఉత్తీర్ణులైన వారు కేంద్ర ప్రభుత్వ ఉద్యోగాలకు అర్హులుగా పరిగణిస్తారు.

కేంద్ర ప్రభుత్వ పట్టణాభివృద్ధి శాఖ ఆదేశాల ప్రకారం ఐటీపీఐ పట్టణాభివృద్ధికి కావాల్సిన‌ విధి విధానాలను రూపొందించింది. వీటిని పలు ప్రభుత్వరంగ సంస్థ‌లు అమలు పరుస్తున్నయి. ప్రణాళికా రంగంలోని అధునాతన అభివృద్ధిని, పరిశోధనాత్మక విషయాలను ప్రచురిస్తూ త్రైమాసిక పత్రికలు విడుదల చేస్తుంది. కామన్వెల్త్ అసోషియేషన్ ఆఫ్ ప్లానర్స్ (క్యాప్‌) లో కామన్వెల్త్ అసోషియేషన్ ఆఫ్ ప్లానర్స్ వైస్ ప్రెసిడెంట్‌గా ఐటీపీఐ వ్యవహరిస్తోంది.