లీగల్ కాలమ్ : ఫ్లాటు కబ్జా చేస్తే పరిష్కారమెలా?

ఎవరైనా మరణిస్తే, ఆస్తి విల్లు ద్వారా లబ్దిదారులకు సంక్రమించాలి. విల్లు లేకపోయినా లేక చెల్లకపోయినా చట్టప్రకారం వారసులకైనా సంక్రమించాల్సి ఉంటుంది. ఈ రెండు తప్ప మరో పద్ధతి లేదు. నామినేషన్ వల్ల ఆస్తి సంక్రమించదని సుప్రీం కోర్టు చాలా స్పష్టంగా పేర్కొంది. నిరభ్యంతర పత్రాలు, ప్రమాణ పత్రాల ద్వారా ఆస్తి బదిలీ అనేది జరగదు. రాసిచ్చిన వారి హక్కులపై అవి ఎంతమేరకు ప్రభావితం చూపిస్తాయమనేది ముఖ్యం. అట్టి పత్రాల సాక్ష్యపు విలువ ఎంత? వారి హక్కుల విడుదల జరిగిందా? అనేవి దావాలో కోర్టులు నిర్ణయిస్తాయి. కాబట్టి, వాటిపై ఆధారపడి ఆస్తుల్నికొనడం కరెక్టు కాదు. వారు హక్కు విడుదల దస్తావేజు (రీ లింక్విష్మెంట్ డీడ్) అడగటం సబబే.

తండ్రి ఉమ్మడి ఆస్తిలో రావాల్సిన భాగంలో పిల్లలకు జన్మ:త వాటా వస్తుంది. దాన్ని విడగొట్టి పంచాల్సిందిగా కోరే హక్కు వాటాదారులందరికీ ఉంటుంది. కాబట్టి, వెంటనే సివిల్ న్యాయవాదిని సంప్రదించి చర్యలు చేపట్టండి.

దత్తత తేదీ నాటికి సంక్రమించి హక్కులు దత్తత వల్ల రద్దు కావనే విషయాన్ని గుర్తుంచుకోవాలి. దీన్ని బట్ట దత్తత నాటికి జన్మించిన కుటుంబం ఉమ్మడి ఆస్తిలో ఉన్న వాటా, చట్టరీత్యా ఉన్నా అన్ని బాధ్యతలకు లోబడి, దత్తతకు వెళ్లిన కొడుక్కీ కొనసాగుతుంది. చట్టం ఈ విషయంలో స్పష్టంగా ఉన్నా హైకోర్టుల మధ్య కొంత భిన్నాభిప్రాయాలు ఉన్నాయి. కాబట్టి, రాజీ మార్గం ఎంచుకోవడమే ఉత్తమం అని గుర్తుంచుకోండి.

మీరు ముందుగా కొని రిజిస్టర్ చేయించుకున్నారు. కాబట్టి, తర్వాత అమ్మితే అది చెల్లదు. అక్రమించుకున్నా, గోడ కట్టినా, మీకు అమ్మిన వ్యక్తితో రాయించుకున్నా వారికి హక్కులనేవి ఎట్టి పరిస్థితుల్లో రావు. ఇలాంటి విషయాల్లో ఎలాంటి ఆలస్యం చేయకూడదు. లేకపోతే మీకే నష్టం వాటిల్లుతుంది. తక్షణమే మంచి అనుభవం గల న్యాయవాదిని సంప్రదించండి.