మృణాల్ ఠాకూర్.. తెలుగులో తీసిన జెర్సీ సినిమా హిందీ వెర్షన్ హీరోయిన్‌. షాహీద్ క‌పూర్ స‌ర‌స‌న న‌టించిన ఈ ముద్దుగుమ్మ సొంతింటి డిజైన్ గురించి చూడ‌ముచ్చ‌టైన క‌బుర్లు చెబుతోంది. ఆమె కలల గృహానికి సంబంధించిన ఆలోచ‌న‌లు విన‌డానికెంతో క్లాసీగా ఉన్నాయి. జెర్సీ సినిమాలో న‌టించిన ఈ భామ సొంతింటి కలల గురించి రియల్ ఎస్టేట్ గురుకి ప్ర‌త్యేకంగా వివ‌రించింది. సారాంశం ఆమె మాట‌ల్లోనే..
ఇంటి గురించి నా మొదటి జ్ఞాపకం ఎల్లప్పుడూ ప్యాకింగ్ మరియు అన్‌ప్యాకింగ్ మీదే ఉండేది. ఎందుకంటే, మా నాన్న బ్యాంక‌ర్ కావ‌డంతో ప్ర‌తి మూడేళ్ల‌కోసారి ఇల్లు మారాల్సి వ‌చ్చేది. అందుకే, ఇంటిని మాకు కావలసిన విధంగా అలంకరించుకోవడం గురించి ఆలోచించడానికి పెద్ద‌గా స‌మ‌యం ఉండేది కాదు. అందుకే, ఆ అనుభ‌వంతో ప్ర‌స్తుతం ప్యాకింగ్, అన్‌ప్యాకింగులో నిపుణురాలిగా మారాను. అత్యంత బాధాకరమైన విషయం ఏమిటంటే, ఒక న‌గ‌రం నుంచి మ‌రో న‌గ‌రానికి మారిపోయేట‌ప్పుడు మా మొక్క‌లు చ‌నిపోయేవి. అది అత్యంత హృదయ విదారక క్షణాల‌ని చెప్పొచ్చు. మళ్లీ అన్‌ప్యాక్ చేయడం ప్రారంభించినప్పుడు మా వస్తువుల పరిస్థితి ఏమిటో కూడా మాకు తెలిసేది కాదు.
నేను నిజ జీవితంలో కొంచెం మొండిగా ఉంటాను, ఇంటిని పూర్తిగా డిజైన్ చేయడానికి ఎక్కువ ప్రయత్నాలు చేయకపోవచ్చు. కానీ, నా ముందు ప్రతిదీ జరగాలని కోరుకుంటాను! ప్రత్యేకించి, నా వ్యక్తిగత స్థలం విషయానికి వస్తే, నా బుక్ షెల్ఫ్ ద‌గ్గ‌ర‌గా ఉండాలని కోరుకుంటాను. ప్రతిదీ క్రమబద్ధంగా ఉండాలని భావిస్తాను. నా చుట్టూ కనీస ఫర్నిచర్ ఉంటే చాలు. అద్దాలు ఎక్కువుండాల‌ని ఆశిస్తాను. అతిత్వరలో నా ఇంట్లో రాయల్ ముక్కలను జోడించి పునరుద్ధరించబోతున్నాను! మీరు సంప్రదాయ షాండ్లీయ‌ర్ మరియు కాశ్మీరీ తివాచీల సమ్మేళనాన్ని చూస్తారు.
నా జీవితమంతా బంగళాలలో నివసించాను. అందుకే, ఫ్లాట్‌లో నివసించలేను. నాసిక్‌లో మాకు నా సొంత ఇల్లు ఉంది, ఇప్పుడు ముంబైలో బంగ్లాను కొన‌టం ఒక కలగా పెట్టుకున్నాను. సెలవు రోజున ఎప్పుడూ నా బెడ్‌రూమ్‌లో కొన్ని లేటెస్ట్ షోలు ఎక్కువ‌గా చూస్తూ ఉంటాను. చాలా మంది బంధుమిత్రులను పిలిపిస్తాను. ఎందుకంటే, నేను షూటింగ్‌లో చాలా బిజీగా ఉంటాను, అందుకే వీలు దొరికిన‌ప్పుడల్లా వారితో ఫోన్‌లో కలుసుకోవడం చాలా ఇష్టమ‌నిపిస్తుంది. మేము జూమ్‌లో ఫేస్ టైమింగ్ మరియు గ్రూప్ కాల్‌లు కూడా మాట్లాడుకుంటాం. ఈ ప‌నుల‌న్నీ బెడ్‌రూములో ఉన్న మూల‌లో కూర్చుని చేస్తాను.
నా కలల ఇంటిని నిర్మించడానికి నా ముందున్న ఎంపిక నాసిక్. అక్కడ వాతావరణం చాలా ఉన్నతంగా ఉంటుంది. అక్కడ ఉన్న పర్వతాలు మరియు సరస్సులను చూడవచ్చు. ఆత‌ర్వాత డెహ్రాడూన్ ఇష్ట‌మైన ప్రాంతం. అక్క‌డైతే ప్ర‌కృతి ఒడిలోకి చేరుకోవ‌చ్చు. ఇది హిమాలయాల లోపల ఒక స్మార్ట్ సిటీ మరియు ఆ నిర్మలమైన పర్వతాల చేరువ‌లో నివ‌సించేందుకు ఎవ‌రు ఇష్ట‌ప‌డ‌రు చెప్పండి? చివరగా, లండన్ శివార్లలో ఒక అందమైన ఇల్లు కొనాల‌ని ఉంది. ఎందుకంటే అక్కడ ఆకాశం చాలా స్పష్టంగా క‌నిపిస్తుంది. వీటన్నింటిని మించి.. నేను పూర్తిగా హైదరాబాదుకు కూడా మారిపోగలను! రోజంతా దక్షిణ-భారత ఆహారాన్ని తిన‌మ‌న్నా తింటాను. ఇక్క‌డి ఫుడ్ అంటే నాకెంతో ఇష్టం.
షారుక్ ఖాన్ మన్నత్ ఇల్లంటే ఎంతో ఇష్టం! ఆ ఇంట్లో నా సినిమా తూఫాన్‌ని చూశాము. మన్నత్‌లోకి వెళ్లి అందరూ మాట్లాడే గొప్పతనాన్ని క‌ళ్లారా చూశాను. రోజంతా వినోదంలో ఉన్నాను. అది నిజమైన కలల ఇల్లు మనిషి! ఇటీవల హైదరాబాద్‌లోని తాజ్ ఫలక్‌నుమా ప్యాలెస్‌ని కూడా సందర్శించాను. ఓహ్ మై గాడ్, ఎంత అందమైన భ‌వ‌నం అది. దానికెంతో చరిత్ర ఉంది! చుట్టూ ఉన్న నెమళ్లు ఆ ప్రదేశానికి మరింత అందాన్ని చేకూర్చాయి, ఆ ప్రాంతాన్ని చూస్తే.. నేను అక్కడే పుట్టానేమోన‌ని అనిపించింది.
This website uses cookies.