తొర్రూరులో హెచ్ఎండీఏ చేస్తోందేమిటి?

హెచ్ఎండీఏ అంటే అంద‌రికీ ఒక న‌మ్మ‌కం. వారి వ‌ద్ద కొంటే, ఆయా భూముల్లో న్యాయ‌ప‌రంగా ఎలాంటి వివాదాలు ఉండ‌వ‌నే భ‌రోసా. అందుకే, చాలామంది హెచ్ఎండీఏ వ‌ద్ద వేలం పాట‌ల్లో కొనేందుకు వేలంవెర్రిలా ముందుకొస్తున్నారు. ఈ క్ర‌మంలో కొంద‌రు తొర్రూరు వెంచ‌ర్ చూద్దామ‌ని వెళ్లి షాక్ అయ్యారు. అక్క‌డ రాళ్లు, ర‌ప్ప‌లు త‌ప్ప లేఅవుట్‌ని అభివృద్ధి చేయ‌లేదు. ర‌హ‌దారులు కూడా వేయ‌లేదు. అస‌లు ఎలాంటి డెవ‌ల‌ప్‌మెంట్ ప‌నుల్ని చేయ‌కుండా.. ఎలా వేలం వేస్తున్నారని ప్ర‌జ‌లు విస్తుపోతున్నారు. హెచ్ఎండీఏకి, ఇత‌ర ప్రైవేటు సంస్థ‌ల మ‌ధ్య తేడా ఏముంద‌ని ప్ర‌శ్నిస్తున్నారు. హెచ్ఎండీఏ చేస్తే సంసారం.. ఇత‌రులు చేస్తే వ్య‌భిచార‌మా? అని నిల‌దీస్తున్నారు.