ప్రముఖ నటుడు నాగచైతన్య హైదరాబాద్ జూబ్లీహిల్స్ లో కొత్త ప్రాపర్టీ కొనుగోలు చేసినట్టు వార్తలు వస్తున్నాయి. దాదాపు రూ.15 కోట్లు వెచ్చించి కొత్త ఇంటిని కొన్నట్టు సమాచారం. నటి సమంతతో విడిపోయిన మూడేళ్ల తర్వాత నాగ చైతన్య ఈ ఇంట్లోకి మారినట్టు సమాచారం. అయితే, ఈ కొనుగోలుకు సంబంధించి అధికారికంగా ఎలాంటి ధృవీకరణ లేదు. సమంతను వివాహం చేసుకున్న తర్వాత ఇరువురూ జూబ్లీహిల్స్ లో నివసించేవారు.
అయితే, ఇద్ద‌రి మధ్య తలెత్తిన విభేదాల కారణంగా 2021లో విడిపోయారు. అప్పటి నుంచి నాగచైతన్య హైదరాబాద్ లోని ఓ హోటల్ లో ఉంటున్నారని.. సమంత హైదరాబాద్ లోని తన నివాసంలో ఉంటున్నారని సమాచారం. ఈ నేపథ్యంలో నాగ చైతన్య రూ.15 కోట్లు వెచ్చించి కొత్త ఇల్లు కొన్నట్టు తెలుస్తోంది. కాగా, నాగచైతన్య చివరిసారిగా అమీర్ ఖాన్ నటించిన లాల్ సింగ్ చద్దా సినిమాలో కనిపించాడు. అయితే, ఆ సినిమా బాక్సాఫీసు వద్ద బోల్తా కొట్టింది. ప్రస్తుతం వెంకట్ ప్రభు దర్శకత్వంలో వస్తున్న సినిమాలో నాగచైతన్య నటిస్తున్నాడు. ఈ సినిమా మే 12న విడుదల కానుంది.
This website uses cookies.