రియ‌ల్ టెక్నాల‌జీ మారుతోంది!

యాపిల్ సహ వ్యవస్థాపకుడు స్టీవ్ జాబ్స్ ఒకసారి ఇలా అన్నారు, ‘నిన్న జరిగినదాని గురించి చింతించకుండా రేపు కనిపెడదాం’. అదే విధంగా రియల్ ఎస్టేట్ రంగంలోని పాత, కొత్త సంస్థలు కూడా మారుతున్న కాలానికి అనుగుణంగా, పెరుగుతున్న పోటీతత్వాన్ని తట్టుకుని నిలబడాలంటే టెక్నాలజీని అందిపుచ్చుకోవాలి. రియల్ పరిశ్రమ గత దశాబ్ద కాలంగా వేగంగా అభివృద్ధి చెందుతున్న తరుణంలో టెక్నాలజీ వైపు అడుగులు వేస్తోంది. నేటి డిజిటల్ యుగంలో చాలా వ్యాపారాల్లో సాంకేతికత పాత్ర కీలకంగా మారింది. కరోనా నేపథ్యంలో అనేక సంస్థల డిజిటల్ విప్లవ వ్యూహాలు వేగవంతమయ్యాయి. ఈ విషయంలో రియల్ పరిశ్రమ మినహాయింపు కాదు. అభివృద్ధి చెందుతున్న టెక్నాల‌జీ ఆధారిత మార్కెట్‌ను స్వీకరించే విషయంలో చురుకుగా వ్యవహరించే వాటిలో ల్యాండ్ స్కేప్ ఆదర్శప్రాయంగా ఉంది.

సాంకేతికత అనేది మ‌న‌ ప్రవర్తన యొక్క ప్రతి అంశాన్ని శక్తివంతం చేస్తోంది. అంతేకాకుండా ఎప్పటికప్పుడు పురోగతితో రియల్ ఎస్టేట్ రంగంలో దాని పాత్ర పెరుగుతోంది. వివిధ పరిశ్రమల అభివృద్ధికి కొత్త కొత్త సాంకేతికతలను ఎల్లప్పుడూ దోహదం చేస్తాయనడంతో ఎలాంటి సందేహం అక్కర్లేదు. ఈ మార్పును ఏ పరిశ్రమా వద్దనుకోదు. సాంకేతికతను స్వీకరించడం వల్ల దీర్ఘకాలంలో ఆదాయంపై మంచి ముద్ర పడుతుంది. 2000 ప్రారంభంలో ఇళ్ల కొనుగోలు, అమ్మకం, అద్దెలకు సంబంధించి ఆన్ లైన్ క్లాసిఫైడ్ ల ప్రారంభంతో భారతీయ ప్రాపర్టీ మార్కెట్ విస్తృతమైన సాంకేతికతను అందిపుచ్చుకుంది. అప్పటి నుంచి దేశంలో ప్రాప్ టెక్ స్పేస్ నెమ్మదిగా అభివృద్ధి చెందింది.