విజయవాడలో రేట్లు ఎలా ఉన్నాయ్?

నిన్నటివరకూ విజయవాడలో రియల్ మార్కెట్ మూడు పూవులు ఆరు కాయలుగా విరాజిల్లేది. అలాంటిది, ప్రస్తుతం పెద్ద సందడి లేకుండా పోయింది. భవిష్యత్తులో అభివ్రుద్ధి చెందుతుందన్న భరోసా తగ్గడంతో పెట్టుబడులు పెట్టేవారూ వెనకడుగు వేస్తున్నారు. అంతెందుకు, ప్రవాసాంధ్రులు సైతం పెట్టుబడి కోణంలో విజయవాడని పరిగణనలోకి తీసుకోవడం లేదు.

దీంతో, రాజధాని కంటే ముందు పరిస్థితులు ఎలా ఉండేవో ప్రస్తుతం ఇంచుమించు అదే విధంగా విజయవాడ రియల్ మార్కెట్ కొనసాగుతోంది. కొనుగోళ్ల సందడి గణనీయంగా తగ్గింది. ముందున్న ఊపూ, ఉత్సాహం పెద్దగా కనిపించడం లేదు. కాకపోతే, పెట్టుబడి కోణం బదులు స్థిర నివాసాన్ని ఏర్పాటు చేసుకోవాలని భావించేవారు నేటికీ తమకు నచ్చిన ఫ్లాట్లను ఎంచుకుంటున్నారు. కాకపోతే, కొన్ని ప్రాజెక్టుల్ని క్షుణ్నంగా గమనించాక.. తక్కువ రేటుకు లభించే డెవలపర్ వద్ద మాత్రమే ఫ్లాట్లను ఎంచుకుంటున్నారు.

పలు ప్రాజెక్టుల వివరాలు..

విజయవాడలో నిన్నటివరకూ హాట్ లొకేషన్లుగా హల్ చల్ చేసిన పలు ప్రాంతాల్లో ఫ్లాట్ల ధరలెలా ప్రస్తుతం ఎలా ఉన్నాయో మీరే చూడండి. కేవలం మీకు అవగాహన కలిగించడానికి మాత్రమే ఈ రేట్లను అందజేస్తున్నాం. ఇవే తుది రేట్లుగా భావించొద్దు.