అమెరికాకు చెందిన బహుళజాతి పెట్టుబడి బ్యాంకు, ఆర్థిక సేవల సంస్థ గోల్డ్మన్ సాక్స్ సర్వీసెస్ ప్రైవేట్ లిమిటెడ్ హైదరాబాద్‌లో 3.5 లక్షల చదరపు అడుగుల (చదరపు అడుగులు) విస్తీర్ణంలో తొమ్మిది అంతస్తులను లీజుకు తీసుకుంది. నెలకు రూ.4.14 కోట్ల అద్దె చెల్లించే విధంగా 117 నెలల కాలానికి దేవభూమి రియల్టర్స్ ప్రైవేట్ లిమిటెడ్‌తో ఈ లీజు ఒప్పందం కుదుర్చుకుంది. ఇందుకోసం రూ.35.2 కోట్లను కంపెనీ డిపాజిట్ చేసింది. నాలెడ్జ్ సిటీలో 5.09 లక్షల చదరపు అడుగుల విస్తీర్ణంలో ఓపెల్ బ్లాక్ పేరుతో 12 అంతస్తుల భవనాన్ని బిల్డర్ నిర్మించారు.
ఇందులో గ్రౌండ్‌ ఫ్లోర్‌ నుంచి ఎనిమిదో అంతస్తు వరకు గోల్డ్మన్ సాక్స్ సర్వీసెస్ లీజుకు తీసుకుంది. 36 నెలలకు చదరపు అడుగుకు నెలకు అద్దె రూ.118 చొప్పున, ఆ తర్వాత వచ్చే 36 నెలలకు చదరపు అడుగుకు రూ.128.2 చొప్పున ఇవ్వనుంది. ఆ తర్వాత చదరపు అడుగుకు అద్దె రూ.139.9కి పెరుగుతుంది. తర్వాత 24 నెలలకు చదరపు అడుగుకు అద్దె రూ.89.9గా నిర్ధారించారు. మిగిలిన నెలలకు చదరపు అడుగుకు రూ.103.4 చొప్పున అద్దె ఇవ్వనున్నారు.
