అనుమ‌తులెందుకు తిర‌స్క‌ర‌ణ‌?

క్రెడాయ్ తెలంగాణ స్టేట్‌కాన్‌లో రియ‌ల్ ఎస్టేట్ రంగానికి ఉప‌యోగ‌ప‌డే ప‌లు సెష‌న్లు జ‌రిగాయి. ఇందులో ప్ర‌ధానంగా జీహెచ్ఎంసీ చీఫ్ సిటీ ప్లానర్ దేవెంద‌ర్ రెడ్డి, హెచ్ఎండీఏ డైరెక్ట‌ర్ బాల‌కృష్ణల‌తో జ‌రిగిన ఇంట‌రాక్ష‌న్ రాష్ట్ర డెవ‌ల‌ప‌ర్ల‌ను ఆక‌ర్షించింది. తెలంగాణ‌ను యూడీఎస్ ర‌హితంగా తీర్చిదిద్దాల‌ని కంక‌ణం క‌ట్టుకున్న క్రెడాయ్ తెలంగాణ అధ్య‌క్షుడు ముర‌ళీకృష్ణారెడ్డి ఈ కార్య‌క్ర‌మానికి సంధాన‌క‌ర్త‌గా వ్య‌వ‌హ‌రించారు. ఇందులో పాల్గొన్న జీహెచ్ఎంసీ చీఫ్ సిటీ ప్లాన‌ర్ దేవెంద‌ర్ రెడ్డి ప‌లు అంశాల్ని ప్ర‌త్యేకంగా వివ‌రించారు. టీఎస్ బీపాస్ కింద అపార్టుమెంట్ అనుమ‌తి కోసం ద‌ర‌ఖాస్తు చేస్తే.. తిర‌స్క‌ర‌ణ‌కు గుర‌వ్వ‌డానికి ప్ర‌ధాన కార‌ణ‌మేమిట‌నే విష‌యాన్ని విపులంగా విశదీక‌రించారు. సారాంశం ఆయ‌న మాట‌ల్ల‌నే..

గ్రేట‌ర్ హైద‌రాబాద్ మున్సిప‌ల్ కార్పొరేష‌న్ ప‌రిధిలో ఇంత‌వ‌ర‌కూ టీఎస్ బీపాస్ కింద 4,819 ప్ర‌తిపాద‌న‌లకు ఆమోదం తెలియ‌జేశాం. సింగిల్ విండో కింద క్లియ‌ర్ చేసిన 2000 ద‌ర‌ఖాస్తుల్లో.. ఒక షాట్ ఫాల్ అయిన త‌ర్వాత సుమారు వెయ్యికి పైగా ద‌ర‌ఖాస్తుల్ని ఆమోదించాం. అంటే, యాభై శాతానికి పైగా ఫైళ్లు క్లియ‌ర్ అయ్యాయ‌న్న‌మాట‌. ఎలాంటి షాట్ ఫాల్ లేకుండా ఆమోదించిన ద‌ర‌ఖాస్తులు దాదాపు 850 దాకా ఉన్నాయి. ఈ శాతం ప్ర‌స్తుతం త‌క్కువ‌గానే ఉన్న‌ప్ప‌టికీ.. రానున్న రోజుల్లో 80 నుంచి 90 శాతానికి చేరుకోవాల్సిన అవ‌స‌రం ఉంది. అస‌లీ షాట్ ఫాల్ ఎందుకు తలెత్తుతుంద‌నే విష‌యం చాలామందికి కొన్ని సార్లు అర్థం కాక‌పోవచ్చు. నిజానికి, డీసీఆర్లో డ్రాయింగ్ క్లియ‌ర్‌గా ఉంటే, 90 శాతం స‌మ‌స్య ఉండ‌నే ఉండ‌దు.