హైదరాబాద్ నిర్మాణ రంగంలో మై హోమ్ సంస్థ‌కు ప్ర‌త్యేక‌మైన గుర్తింపు, కొనుగోలుదారుల నుంచి చ‌క్క‌టి ఆద‌ర‌ణ ఉంది. అందుకే, ఈ కంపెనీ నుంచి ఏ కొత్త ప్రాజెక్టుకు సంబంధించిన ప్ర‌క‌ట‌న విడుద‌లైనా.. స్థానికులే కాదు దేశ విదేశాల్లో నివ‌సించేవారు పోటీప‌డి ఫ్లాట్ల‌ను కొనుగోలు చేస్తారు. తాజాగా, మై హోమ్ అపాస్ ప్రాజెక్టును కోకాపేట్‌లో నిర్మిస్తున్నార‌నే విష‌యం తెలియ‌గానే.. బ‌య్య‌ర్లు పోటీప‌డి ఇళ్ల‌ను కొంటున్నారు. అస‌లెందుకు బ‌య్య‌ర్లు అపాస్ గురించి ఆస‌క్తి చూపిస్తున్నారో తెలుసా..
మైహోమ్ అపాస్ ప్రాజెక్టును సుమారు 13.52 ఎక‌రాల్లో డిజైన్ చేశారు. ఇందులో వ‌చ్చేవి ఆరు స్కై హై ట‌వ‌ర్లు. ఒక్కో ట‌వ‌ర్ ఎత్తు జి ప్ల‌స్ 44 అంత‌స్తుల ఎత్తులో నిర్మిస్తున్నారు. ఇందులో మొత్తం 1338 ఫ్లాట్ల‌ను డెవ‌ల‌ప్ చేస్తున్నారు. సుమారు 81. 6 శాతం స్థ‌లాన్ని ఓపెన్ స్పేస్‌గా వ‌దిలేశారు. అంటే నిర్మాణం వ‌చ్చేది కేవ‌లం 18.4 శాతం స్థ‌లంలోనే. 2765 నుంచి 3860 చ‌ద‌ర‌పు అడుగుల విస్తీర్ణంలో డెవ‌ల‌ప్ చేస్తున్న ఈ ప్రాజెక్టులో వ‌చ్చ‌వేన్నీ ట్రిపుల్ బెడ్‌రూం ఫ్లాట్లే కావడం గ‌మ‌నార్హం. అపాస్‌లో ధ‌ర విష‌యానికొస్తే.. చ‌ద‌ర‌పు అడుక్కీ రూ.10,000 చెబుతోంది. సుమారు 72 వేల చ‌ద‌ర‌పు అడుగుల్లో క్ల‌బ్ హౌజ్‌ను డెవ‌ల‌ప్ చేస్తుంది.
మై హోమ్ సంస్థ డెవ‌ల‌ప్ చేసే ఏ ప్రాజెక్టులోనైనా సెంట్ర‌ల్ ల్యాండ్ స్కేప్‌ను చూస్తే ఎవ‌రైనా ఫిదా అవ్వాల్సిందే. ప‌చ్చిక బ‌య‌ళ్లు, ఉద్యాన‌వ‌నాలను చూస్తే మాన‌సిక ప్ర‌శాంత‌త క‌లుగుతుంది. అన్ని వ‌య‌సుల వారికి అవ‌స‌ర‌మ‌య్యే క్రీడా సౌక‌ర్యాల్ని ఇందులో పొందుప‌రిచారు. ఫిట్‌నెస్ కోరుకునేవారికి అతికిన‌ట్లు స‌రిపోయే ప్రాజెక్టు ఇదేన‌ని గుర్తుంచుకోవాలి. ప్ర‌శాంత‌మైన జీవ‌నాన్ని కోరుకునేవారికి.. ప్ర‌కృతిలో సేద‌తీరాల‌ని భావించేవారికి.. మై హోమ్ అపాస్ ఒక చ‌క్క‌టి ప్రాజెక్టు అని చెప్పుకోవ‌చ్చు.
అపాస్‌లో ఇళ్ల కొనుగోలుదారులు ఎందుకు పోటీప‌డి ఫ్లాట్ల‌ను కొంటున్నారో తెలుసుకుంటే మీరే ఆశ్చ‌ర్య‌పోతారు. మై హోమ్ సంస్థ గ‌త ప్రాజెక్టులైన నిష‌ధ, త‌ర్ష్క్య వంటి ప్రాజెక్టుల్లో అనేక‌మంది ఫ్లాట్ల‌ను కొనుగోలు చేయ‌లేక‌పోయారు. కాక‌పోతే, వారంతా మై హోమ్ ఆరంభించే తదుప‌రి ప్రాజెక్టులో కొంటామ‌ని ముందే సంస్థ‌కు తెలిపారు. అందుకే, మై హోమ్ సంస్థ వారంద‌రికీ అపాస్ ప్రాజెక్టుకు సంబంధించిన స‌మాచారాన్ని పంపించింది. వారంతా కొనుగోలు చేశాకే మిగ‌తావారికీ ఫ్లాట్ల‌ను కొనేందుకు అవ‌కాశం క‌ల్పించింది. మొత్తానికి, మూడు ట‌వ‌ర్ల‌ను ఆరంభించగానే హాట్ కేకుల్లా అమ్ముడ‌య్యాయి.