ఐఐటీ హైదరాబాద్ కు చెందిన ప్రొఫెసర్ డాక్టర్ రమణచర్ల ప్రదీప్ కుమార్ ను 2021 సంవత్సరానికి సంబంధించి తెలంగాణలో అత్యుత్తమ కాంక్రీట్ ఇంజనీర్ గా ఎంపిక చేసినట్టు ఇండియన్ కాంక్రీట్ ఇన్ స్టిట్యూట్ (ఐసీఐ) ప్రకటించింది. ఈ మేరకు ఐసీఐ చైర్మన్ పి. శ్రీనివాస్ రెడ్డి ఓ ప్రకటన విడుదల చేశారు.
ఐసీఐతో కలిసి అల్ట్రాటెక్ సిమెంట్ ఏర్పాటు చేసిన ఈ అవార్డును పార్క్ హయత్ లో జరిగన ఓ కార్యక్రమంలో ప్రదీప్ కుమార్ కు ప్రదానం చేసినట్టు ఐఐటీ హైదరాబాద్ ఓ ప్రకటనలో తెలిపింది. ఐసీఐ అనేది కాంక్రీట్, కాంక్రీట్ నిర్మాణ రంగంపై పనిచేస్తున్న ఓ సంస్థ. 1982 సెప్టెంబర్ 7న చెన్నైలో ప్రారంభమైన ఈ సంస్థకు ప్రస్తుతం దేశవ్యాప్తంగా 38 కేంద్రాలు, 152 స్టూడెంట్ చాప్టర్లు, దాదాపు 12 వేల మంది సభ్యులు ఉన్నారు.
