నేడూ, రేపూ.. వైజాగ్‌లో.. క్రెడాయ్ న్యూ ఇండియా స‌మ్మిట్‌

క్రెడాయ్ ఆంధ్ర‌ప్ర‌దేశ్ ఒక గొప్ప అవ‌కాశాన్ని అందిపుచ్చుకుంది. జాతీయ స్థాయి క్రెడాయ్ న్యూ ఇండియా స‌మ్మిట్ ను అట్ట‌హాసంగా నిర్వ‌హిస్తున్న‌ది. ఈ రోజు నుంచి ఆరంభ‌మ‌య్యే ఈ రెండు రోజుల స‌దస్సులో జాతీయ స్థాయి డెవ‌ల‌ప‌ర్లు, రియాల్టీ నిపుణులు త‌దిత‌రులు పాల్గొంటారు. ఉద‌యం 11.30కు ఆరంభ‌మ‌య్యే కార్య‌క్ర‌మానికి ముఖ్యఅతిథులుగా పుర‌పాల‌క శాఖ మంత్రి ఆదిమూల‌పు సురేష్, లోక్‌స‌భ ఎంపీ ఎంవీవీ స‌త్య‌నారాయ‌ణ త‌దితరులు పాల్గొంటారు. ఈ ఆరంభోత్స‌వంలో క్రెడాయ్ ఛైర్మ‌న్‌, ప్రెసిడెంట్‌, సెక్ర‌ట‌రీ, ఎన్ఐఎస్‌ ఛైర్మ‌న్, క్రెడాయ్ ఏపీ ప్రెసిడెంట్‌, క్రెడాయ్ వైజాగ్ ప్రెసిడెంట్‌, ఎన్ఐఎస్ క‌న్వీన‌ర్, సీబీఆర్ఈ ఛైర్మ‌న్ అంశుమ‌న్ మ్యాగజీన్ త‌దిత‌రులు పాల్గొంటారు. కార్య‌క్ర‌మ ముఖ్య అతిథులు సీబీఆర్ఈ నివేదిక‌ను విడుద‌ల చేస్తారు.

ఆర్క్ ఛైర్మ‌న్‌ ప‌య‌నం..

రియ‌ల్ ఎస్టేట్ రంగంలో ఎదురైన స‌వాళ్లు, వాటిని అధిగ‌మించిన తీరు, నిర్మాణాల్లో ప్ర‌వేశ‌పెట్టిన కొత్త పోక‌డ‌లు, రియ‌ల్ రంగంలో త‌న ప‌య‌నం గురించి ఆర్క్ గ్రూప్ ఛైర్మ‌న్ గుమ్మి రాంరెడ్డి ప్ర‌త్యేకంగా వివ‌రిస్తారు. ఆయ‌న కార్య‌క్ర‌మం క్రెడాయ్ న్యూ ఇండియా స‌మ్మిట్‌కు ప్ర‌ధాన ఆక‌ర్ష‌ణ కానున్న‌ది. ఆయ‌న ప్ర‌స్తుతం క్రెడాయ్ జాతీయ ఉపాధ్య‌క్షుడిగా వ్య‌వ‌హ‌రిస్తున్నారు.