దేశ‌వ్యాప్త ప్ర‌జ‌ల దృష్టి ప్ర‌స్తుతం హైదరాబాద్ మీద కేంద్రీకృత‌మైంది. న‌గ‌రంలోని హెచ్ఐసీసీలో బీజేపీ పార్టీ స‌మావేశం జ‌ర‌గ‌డ‌మే ఇందుకు ప్ర‌ధాన కార‌ణం. ఈ కార్య‌క్ర‌మానికి భార‌త ప్ర‌ధాన మంత్రి న‌రేంద్ర మోడీ హాజ‌రవుతారు. ఆయ‌న ఇక్క‌డే నోవాటెల్‌లో బ‌స చేస్తారు. సుమారు రెండు రోజుల పాటు న‌గ‌రంలోనే ఉంటున్నారు. ఈ నేప‌థ్యంలో తెలంగాణ రియ‌ల్ట‌ర్స్ అసోసియేష‌న్ బీజేపీ పార్టీ వైఖ‌రిని చెప్పాల‌ని డిమాండ్ చేస్తోంది. రియ‌ల్ట‌ర్ల‌తో పాటు ప్ర‌జ‌లు ఎదుర్కొంటున్న స‌మ‌స్య‌ల్ని తెలియ‌జేసింది. వీటికి ప‌రిష్కారాల్ని చూపెట్టాల‌ని కోరుతోంది.
తెలంగాణ రాష్ట్రంలో ఎల్ఆర్ఎస్ ద‌రఖాస్తుదారులు దాదాపు 26 లక్షల మంది ఉన్నారు. కాబ‌ట్టి, వెంట‌నే ఈ ఎల్ఆర్ఎస్ ని ర‌ద్దు చేయాలి. రిజిస్ట్రేషన్ ఛార్జీల‌ను తగ్గించాలి.
దాదాపు ప‌ది లక్షల మంది రైతులు ధ‌ర‌ణి పోర్ట‌ల్ వల్ల ర‌క‌ర‌కాల స‌మ‌స్య‌ల‌ను బాధ‌ప‌డుతున్నారు. కాబ‌ట్టి, ధ‌ర‌ణి పోర్ట‌ల్‌ని వెంట‌నే ర‌ద్దు చేయాలి.
సాదా బైనామాలు ఉండి భూమి దున్నుకుంటున్న లక్షల మంది రైతులు ఉన్నారు. వారి పేర్ల పై ఫీజు లేకుండా భూమిని మార్చాలి.
గ్రామ పంచాయితీ లేఅవుట్ల లోని ప్లాట్లను ( కొత్తవి) రిజిస్ట్రేషన్ చేయాలి, ఎల్ఆర్ఎస్ లేని గ్రామ పంచాయితీలోని ప్లాట్ల కు ఇండ్లు కట్టు కోవడానికి అనుమ‌తినివ్వాలి.
25 లక్షల అసైన్డ్ భూమి సుమారు 15 లక్షల మంది రైతుల చేతిలో ఉంది. వారికి శాశ్వత హక్కు అంటే అమ్ముకునే హక్కునివ్వాలి.
పోడు భూములకు పట్టాలివ్వాలి.
60 లక్షల మంది కౌలు రైతులు ఉన్నారు, రాష్ట్రం లో పంట పండించేది వారే. కాబ‌ట్టి, వారి కష్టానికి తగిన ఫలితం లభించడం లేదు. అందుకే, వారికేం స‌హాయం చేస్తారో తెలియ‌జేయాలి.
రాష్ట్రంలో 12 లక్షల మంది రియ‌ల్ట‌ర్లున్నారు. వారికి గుర్తింపును ఇవ్వాలి, ప్రతి జిల్లాకు రియల్ ఎస్టేట్ భవనం కట్టు కోవడానికి భూమి కేటాయించాలి.